ശ്രീകണ്ഠാപുരം വാർത്തകൾ

പയ്യാവൂർ: ഏരുവേശി ഗവ. യുപി സ്കൂൾ പ്രവേശനോത്സവത്തോടനുബന്ധിച്ച് ചെമ്പേരി റോട്ടറി ക്ലബിൻ്റെ ആഭിമുഖ്യത്തിൻ വിദ്യാർത്ഥികൾക്ക് പഠനോപകരണങ്ങൾ നൽകി. വാർഡ് മെംബർ പി.വി.കമലാക്ഷി വിതരണോദ്ഘാടനം നിർവഹിച്ചു. എസ്എംസി ചെയർമാൻ കെ.പി.ദിലീപ് അധ്യക്ഷത വഹിച്ചു. സീനിയർ അധ്യാപിക ഇ.കെ.പ്രസീത അക്ഷരദീപം തെളിച്ചു. മദർ പിടിഎ പ്രസിഡൻ്റ് സൗമ്യ സജീവൻ നവാഗതരെ സ്വീകരിച്ചു. എസ്എംസി വൈസ് ചെയർമാൻ കെ.ശിവൻ പഠന കിറ്റുകളും ചെമ്പേരി റോട്ടറി ക്ലബ് പ്രസിഡൻ്റ്  മാർട്ടിൻ കോട്ടയിൽ നവാഗതരായ വിദ്യാർത്ഥികൾക്ക്  പഠനോപകരണങ്ങളും വിതരണം ചെയ്തു. റോട്ടറി ക്ലബ് സെക്രട്ടറി സിബി പുന്നക്കുഴിയിൽ, ജിജി കടുവാതൂക്കിൽ, ഷൈജു കുടിയിരിപ്പിൽ, ബോബിൻ അപ്പോളോ എന്നിവർ നേതൃത്വം നൽകി.    ▪️ റിപ്പോർട്ടർ: തോമസ് അയ്യങ്കനാൽ