ശ്രീകണ്ഠാപുരം വാർത്തകൾ

പാറക്കാടി എ എൽ പി സ്കൂർ പ്രവേശനോത്സവം ചെങ്ങളായി ഗ്രാമപഞ്ചായത്ത് മെമ്പർ ശ്രീമതി രമ്യ എൻ വി ഉദ്ഘാടനം ചെയ്തു. ഒന്നാം തരത്തിൽ പ്രവേശനം നേടിയ മുഴുവൻ കുട്ടികൾക്കും ചെങ്ങളായി ഗ്രാമ പഞ്ചായത്ത് പഠന കിറ്റ് വിതരണംചെയ്തു. പിടി എ പ്രസിഡണ്ട് ഇ വി പ്രസന്നൻ അധ്യക്ഷനായിരുന്നു. കൊയ്യം സർവ്വീസ് സഹകരണ ബാങ്കിന് വേണ്ടി പ്രസിഡണ്ട് പി കെ രവി മാസ്റ്റർ ഒന്നാം തരത്തിൽ പ്രവേശനം നേടിയ മുഴുവൻ കുട്ടികൾക്കു സൗജന്യമായി കുട വിതരണം ചെയ്തു. രജ്നാഥ് എം, ആതിര ഇ കെ, പി പി അനിൽകുമാർ എന്നിവർ സംസാരിച്ചു.