ശ്രീകണ്ഠാപുരം വാർത്തകൾ

കണ്ണൂർ: വൈഎംസിഎ കണ്ണൂർ സബ് റീജിയന്റെ ആഭിമുഖ്യത്തിൽ വലിയ നോയമ്പിലെ ജീവകാരുണ്യ പ്രവർത്തനങ്ങളുടെ ഭാഗമായി സമാഹരിച്ച ഒന്നര ടണ്ണിലേറെ ഭക്ഷ്യവസ്തുക്കൾ സബ് റീജിയൻ പരിധിയിലെ പതിനഞ്ചോളം അഗതിസംരക്ഷണ കേന്ദ്രങ്ങൾക്കും അർഹരായ നിർധന കുടുംബങ്ങൾക്കുമായി വിതരണം ചെയ്തു. കണ്ണൂർ സബ് റീജിയനിലെ  യൂണിറ്റുകളുടെ സഹകരണത്തോടെ വിവിധ കേന്ദ്രങ്ങളിൽ സമാഹരിച്ച പതിനഞ്ചിനം ഭക്ഷ്യവസ്തുക്കൾ തരം തിരിച്ച് യൂണിറ്റ് ഭാരവാഹികളുടെ നേതൃത്വത്തിലാണ് വിതരണം ചെയ്തത്. വൈഎംസിഎ കണ്ണൂർ സബ് റീജിയൻ ചെയർമാൻ ബെന്നി ജോൺ ചേരിയ്ക്കത്തടത്തിൽ പയ്യാവൂർ, ആലക്കോട് യൂണിറ്റ് ഭാരവാഹികൾക്ക് ഭക്ഷ്യവസ്തുക്കൾ കൈമാറി വിതരണോദ്ഘാടനം നിർവഹിച്ചു. ജനറൽ കൺവീനർ ഷാജി ജോസഫ്, റീജിയൻ എക്സിക്യൂട്ടീവ് മെംബർ ഡോ.കെ.എം. തോമസ്, റീജിയൻ സ്റ്റാൻഡിംഗ് കമ്മിറ്റി ചെയർമാൻ പി.എ.ബേബി,ജോസ് മണ്ഡപത്തിൽ, മാത്യു സഖറിയാസ് തുടിയംപ്ലാക്കൽ, ടോമി മാത്യു, സ്വപ്ന തോമസ്  എന്നിവർ നേതൃത്വം നല്കി.  ▪️ റിപ്പോർട്ടർ: തോമസ് അയ്യങ്കനാൽ