ശ്രീകണ്ഠാപുരം വാർത്തകൾ

ഇരിട്ടി : ഇരിട്ടി ബ്ലോക്ക്‌ പഞ്ചായത്ത്‌ 2024-25 വാർഷിക പദ്ധതി മുച്ചക്ര വാഹന വിതരണം ഇരിട്ടി ബ്ലോക്ക്‌ പഞ്ചായത്തിൽ വെച്ച് 8/4/2025 ചൊവ്വാഴ്ച നടത്തി. ആറളം, അയ്യങ്കുന്നു,പായം, കീഴല്ലൂർ, കൂടാളി, തില്ലങ്കേരി എന്നീ പഞ്ചായത്തുകളിൽ നിന്നായി 8 ഗുണഭോക്താക്കൾക്ക് എട്ട് ലക്ഷം രൂപയുടെ 8 മുച്ചക്രവാഹനങ്ങൾ വിതരണം ചെയ്തു. ഇരിട്ടി ബ്ലോക്ക് പഞ്ചായത്ത് പ്രസിഡണ്ട് കെ. വേലായുധൻ പരിപാടി ഉദ്ഘാടനം ചെയ്തു. ഇരിട്ടി ബ്ലോക്ക് പഞ്ചായത്ത് വൈസ് പ്രസിഡന്റ് എം കെ നജീദ സാദിഖ് അധ്യക്ഷ സ്ഥാനം അലങ്കരിച്ചു. ഇരിട്ടി ശിശു വികസന പദ്ധതി ഓഫീസർ ഷീന. എം കണ്ടത്തിൽ ചടങ്ങിന് സ്വാഗതം ആശംസിച്ചു. ഇരിട്ടി ബ്ലോക്ക് പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർമാൻ ഷിജു. സി, ഇരിട്ടി ബ്ലോക്ക് പഞ്ചായത്ത് മെമ്പർമാരായ വി ശോഭ, കെ എൻ പത്മാവതി, കെ. സി രാജശ്രീ, സുസ്മിത എം ജോളി ജോൺ എന്നിവർ ചടങ്ങിൽ ആശംസകൾ അറിയിച്ചു സംസാരിച്ചു ഐ.സി. ഡി.എസ് സൂപ്പർവൈസർ ജിസ്മി ജോൺ നന്ദി പറഞ്ഞു .