ശ്രീകണ്ഠാപുരം വാർത്തകൾ

മട്ടന്നൂർ‣ കൂത്തുപറമ്പിൽ അങ്കണവാടി വർക്കർക്ക് തേനീച്ച ആക്രമണത്തിൽ പരുക്ക്.പന്ന്യോട് അങ്കണവാടി വർക്കർ ശ്രീദേവിയെയാണ് വനപാതയിലൂടെ അങ്കണവാടിയിലേക്ക് പോകുന്നതിന് ഇടയിൽ തേനീച്ച ആക്രമിച്ചത്.കുത്തേറ്റ് അവശയായ ശ്രീദേവി സമീപത്തെ തോട്ടിൽ മുങ്ങി നിന്ന് രക്ഷപ്പെടുകയായിരുന്നു. തുടർന്ന് ഫോണിൽ വിളിച്ച് സഹോദരനെ വിവരം അറിയിക്കുകയായിരുന്നു. സഹോദരൻ വിവരമറിയിച്ചതിനെ തുടർന്ന് നാട്ടുകാർ സ്ഥലത്ത് എത്തിയപ്പോൾ ബോധം നഷ്ടപ്പെട്ട അവസ്ഥയിൽ ആയിരുന്നു ശ്രീദേവി.വനം വകുപ്പ് അധികൃതർ സ്ഥലത്ത് എത്തി ജീപ്പിൽ കൂത്തുപറമ്പ് താലൂക്ക് ആശുപത്രിയിൽ എത്തിച്ചു.