ശ്രീകണ്ഠാപുരം വാർത്തകൾ

പയ്യാവൂർ: എആർ പോലീസ് 1988 ബാച്ചിൻ്റെ ‘സ്മൃതി സംഗമം-2025’ വടകര ക്രിസ്റ്റൽ കൺവൻഷൻ സെന്ററിൽ നടന്നു. മുപ്പത്തിയേഴു വർഷം മുൻപ് പോലീസ് സർവീസിൽ പ്രവേശിച്ച 120 പോലീസ് ഉദ്യോഗസ്ഥരിൽ മിക്കവരും സർവീസിൽ നിന്ന് വിരമിച്ചവരാണ്. കേരളത്തിലെ എല്ലാ ജില്ലകളിൽ നിന്നുമുള്ള പോലീസുകാരുണ്ടായിരുന്ന കണ്ണൂർ ആംഡ് റിസർവ് പോലീസ് ബാച്ചിൻ്റെ ഒമ്പതാമത് സംഗമത്തിൽ അറുപത്തഞ്ചോളം പേർ പങ്കെടുത്തു. സംഘാടക സമിതി ചെയർമാൻ ഇ.പി.സുരേന്ദ്രൻ അധ്യക്ഷത വഹിച്ചു. പി.സി.കുഞ്ഞഹമ്മദ് ആമുഖഭാഷണം നടത്തി. ജോൺസൺ ടി.സഖറിയാസ് തുടിയൻപ്ലാക്കൽ, എ.വി.രാജൻ, സി.എം.സി.കുഞ്ഞഹമ്മദ്, എ.വി.ഹരിദാസൻ, നുജൂം കീഴ്പ്പള്ളി, ജെയിംസ് പീറ്റർ, അൻവർ ഹുസൈൻ, വിശ്വൻ കാസർഗോഡ്, റഹീം റാവുത്തർ, മധുസൂധനൻ കുന്നമംഗലം. കെ.ടി.വർഗീസ് എന്നിവർ സംസാരിച്ചു.   ▪️ റിപ്പോർട്ടർ: തോമസ് അയ്യങ്കനാൽ