ശ്രീകണ്ഠാപുരം വാർത്തകൾ

പയ്യാവൂർ: യുവാക്കളിലും കൗമാരക്കാരായ വിദ്യാർത്ഥികളിലും വർധിച്ചുവരുന്ന ലഹരി ഉപയോഗത്തിനെതിരെ കത്തോലിക്കാ കോൺഗ്രസ് തലശേരി അതിരൂപത കമ്മിറ്റിയുടെ ആഹ്വാനപ്രകാരം ചെമ്പേരി മേഖലാ സമിതി സംഘടിപ്പിച്ച ലഹരി വിരുദ്ധ പ്രതിജ്ഞയും ബോധവൽക്കരണ ക്ലാസും ലഹരി വിരുദ്ധ സ്ക്വാഡിന്റെ രൂപീകരണവും കുടിയാന്മല ഫാത്തിമ മാതാ പരിഷ് ഹാളിൽ  മേഖലാ ഡയറക്ടർ ഫാ.പോൾ വള്ളോപ്പിള്ളി ഉദ്ഘാടനം ചെയ്തു. ലഹരി വിൽപ്പനയും ഉപയോഗവും മൂലം യുവാക്കൾക്കും വിദ്യാർത്ഥികൾക്കുമായി സംഭവിക്കുന്ന ദുരന്തങ്ങൾ  ലഹരി വിരുദ്ധ നിയമങ്ങൾ എന്നിവ സംബന്ധിച്ച ബോധവൽക്കരണത്തിന് ശ്രീകണ്ഠപുരം എക്സൈസ് ഇൻസ്പെക്ടർ കെ.രത്നാകരൻ, മയക്ക് മരുന്ന് ഉപയോഗം മൂലം സംഭവിക്കുന്ന ആരോഗ്യ പ്രശ്നങ്ങൾ സംബന്ധിച്ച് കരുവഞ്ചാൽ സെൻറ് ജോസഫ്സ് ഹോസ്പിറ്റൽ മെഡിക്കൽ വിഭാഗം മേധാവി ഡോ. എനീഡ് നെൽസൺ എന്നിവർ ക്ലാസ് നയിച്ചു. കത്തോലിക്ക കോൺഗ്രസ് തലശേരി അതിരൂപത ജനറൽ സെക്രട്ടറി ജിമ്മി ആയിത്തമറ്റം, ചെമ്പേരി മേഖല പ്രസിഡൻ്റ് ബിജു മണ്ഡപത്തിൽ, ഗ്ലോബൽ യൂത്ത് കോ ഓർഡിനേറ്റർ സിജോ കണ്ണേഴത്ത്, ബിജു കാരിയ്ക്കൽ, ബിനു അഞ്ചാനി, ജെയ്സൺ മേക്കലാത്ത്, യുവജന പ്രതിനിധി ആൽബിൻ ജിജി എന്നിവർ സംസാരിച്ചു.  ▪️ റിപ്പോർട്ടർ: തോമസ് അയ്യങ്കനാൽ