ശ്രീകണ്ഠാപുരം വാർത്തകൾ

പയ്യാവൂർ : കണ്ണൂർ റോയൽ പെപ്പർ ഫാമിംഗ് കമ്പനി, കിസാൻ സർവീസ് സൊസൈറ്റി കോടോത്ത് യൂണിറ്റ്, ഓടയംചാൽ ഡൗൺ ടൗൺ റോട്ടറി ക്ലബ് എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച നൂതന വിയറ്റ്നാം മോഡൽ കുരുമുളക് കൃഷി പരിശീലന സെമിനാർ കോടോത്ത് കായാംപൂ ഓഡിറ്റോറിയത്തിൽ നടന്നു. കിസാൻ സർവീസ് സൊസൈറ്റി ദേശീയ ചെയർമാൻ ജോസ് തയ്യിൽ ഉദ്ഘാടനം ചെയ്തു. ഡെന്നീസ് ഏബ്രഹാം അധ്യക്ഷത വഹിച്ചു. ജെസ്റ്റിൻ തോമസ്, സാജു ജോസഫ്, പി.മുരളീധരൻ, വിൻസ് വെട്ടിക്കൽ, പ്രശാന്ത് വി.ജോസഫ് എന്നിവർ പ്രസംഗിച്ചു. കെ.ടി.മാത്യു, ജിനേഷ് കാളിയാനി, ബിനോയ് ചുള്ളി ഫാം എന്നിവർ ക്ലാസുകൾ നയിച്ചു. ചടങ്ങിൽ സംസ്ഥാന യുവ കർഷക അവാർഡ് ജേതാവ് ജിനേഷ് കാളിയാനി ചന്ദനക്കാംപാറയെ ആദരിച്ചു.