ശ്രീകണ്ഠാപുരം വാർത്തകൾ

ഇരിട്ടി ബ്ലോക്ക്‌ പഞ്ചായത്ത്‌ 2024- 25 വാർഷിക പദ്ധതിയിൽ ഉൾപ്പെടുത്തി ഇരിട്ടി ബ്ലോക്ക് പഞ്ചായത്തിലെ ആറ് പഞ്ചായത്തുകളിൽ നിന്ന് തിരഞ്ഞെടുക്കപ്പെട്ട ഭിന്നശേഷിക്കാർക്കുള്ള ഇലക്ട്രോണിക് വീൽചെയർ വിതരണം മാർച്ച്‌ 19 ബുധനാഴ്ച രാവിലെ 11 മണിക്ക് ഇരിട്ടി ബ്ലോക്ക് പഞ്ചായത്തിൽ വെച്ച് നടത്തി. ഇരിട്ടി ശിശു വികസന പദ്ധതി ഓഫീസർ ശ്രീമതി ഷീന എം കണ്ടത്തിൽ ചടങ്ങിന് സ്വാഗതം ആശംസിച്ചു. ഇരിട്ടി ബ്ലോക്ക് പഞ്ചായത്ത് പ്രസിഡണ്ട് ശ്രീ.കെ വേലായുധൻ ഉദ്ഘാടനം ചെയ്തു ചടങ്ങിൽ ഇരിട്ടി ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി.ഷിജി നടുപറമ്പിൽ അധ്യക്ഷ സ്ഥാനം അലങ്കരിച്ചു. ഇരിട്ടി ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീമതി നജീദ സാദിഖ്,ഇരിട്ടി ബ്ലോക്ക് പഞ്ചായത്ത് മെമ്പർമാരായ ശ്രീമതി ശോഭ, ശ്രീമതി പത്മാവതി എന്നിവർ ചടങ്ങിന് ആശംസകൾ അറിയിച്ചു സംസാരിച്ചു. വിവിധ പഞ്ചായത്തുകളിൽ നിന്നായി 5 ഗുണഭോക്താക്കൾക്ക് വീൽചെയർ വിതരണം ചെയ്തു.