ശ്രീകണ്ഠാപുരം വാർത്തകൾ

ശ്രീകണ്ഠപുരം :- നഗര സഭയുടെ 2024-25 വാർഷിക പദ്ധതിയിൽ ഉൾപ്പെടുത്തി അംഗൻവാടികൾക്ക് അടുക്കള ഉപകരണങ്ങളുടെ വിതരണ ഉദ്ഘാടനം നഗരസഭ ചെയർപേഴ്സൺ ഡോ കെ വി ഫിലോമിന ടീച്ചർ നിർവഹിച്ചു. അംഗന വാടി കുട്ടികളോടുള്ള നഗരസഭയുടെ പ്രത്യേക സ്നേഹവും പരിഗണനയുമാണ് ഈ പദ്ധതി. ഇതിനായ് നഗരസഭ പരിധിയിൽ ഉൾപ്പെടുന്ന എല്ലാ അംഗൻവാടിയിലേക്കും മിക്സി, കുക്കർ, ഗ്യാസ് സ്റ്റൗ അടക്കം ആണ് നൽകിയത്. വാർഡ് കൗൺസിലർ ജോണി കെ ജെ സ്വാഗതം പറഞു ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ചന്ദ്രാംഗദൻ മാസ്റ്റർ അധ്യക്ഷത വഹിച്ചു. വൈസ് ചെയർമാൻ കെ ശിവദാസൻ, വികസന കാര്യ സ്റ്റാൻഡിംങ്ങ് കമ്മിറ്റി ചെയർപേഴ്സൺ ജോസഫീന ടീച്ചർ, ആരോഗ്യ കാര്യ സ്റ്റാൻഡിങ് കമ്മിറ്റി ചെയർപേഴ്സൺ വി പി നസീമ,ഐ.സി.ഡി.എസ് സൂപ്പർ വൈസർ പുഷ്പജ, കമ്മുണിറ്റി വുമൺ ഫെസിലിറ്റേറ്റർ സ്നേഹ എ തുടങ്ങിയവർ ആശംസകൾ അറിയിച്ച് സംസാരിച്ചു. വർക്കർ ശാന്ത എ ചടങ്ങിന് നന്ദി പറഞ്ഞു.