ശ്രീകണ്ഠാപുരം വാർത്തകൾ

കണ്ണൂർ ജില്ലാ ലൈബ്രറി കൗൺസിൽ നടപ്പിലാക്കുന്ന വായനാ വസന്തം പദ്ധതിയുടെ ജില്ലാതല ഉദ്ഘാടനം മാർച്ച് 22 ന് ശനിയാഴ്ച വൈകുന്നേരം 4 മണിക്ക് ചെങ്ങളായി ഗ്രാമോദ്ധാരണ ഗ്രന്ഥാലയത്തിൽ വച്ച് നടത്തും. ജില്ലയിലെ എ പ്ലസ്, എ, ബി, സി ഗ്രേഡുകളിൽപ്പെട്ട ലൈബ്രറികളിൽ നിന്നും പുസ്തകങ്ങൾ വായിക്കുവാൻ വീടുകളിലെത്തിക്കുന്ന വിപുലമായ പദ്ധതിയാണ് വായനാ വസന്തം. പരിപാടിയുടെ വിജയത്തിനായുള്ള സ്വാഗതസംഘ രൂപീകരണ യോഗം ഗ്രാമ പഞ്ചായത്ത് പ്രസിഡണ്ട് വി പി മോഹനൻ ഉദ്ഘാടനം ചെയ്തു. താലൂക്ക് സെക്രട്ടറി വി സി അരവിന്ദാക്ഷൻ അധ്യക്ഷം വഹിച്ചു. ജില്ലാക്കമ്മിറ്റി അംഗം പി ജനാർദ്ദനൻ പദ്ധതി വിശദീകരിച്ചു. കെ ദിവാകരൻ,കെ പി അബ്ദുള്ളക്കുട്ടി, കെ പി അനീഷ് തുടങ്ങിയവർ സംസാരിച്ചു. ഭാരവാഹികൾ : വി പി മോഹനൻ (ചെയർമാൻ) വി സി അരവിന്ദാക്ഷൻ, കെ പി അബ്ദുള്ളക്കുട്ടി, ബീന ഷൈജു (വൈസ് ചെയർമാൻമാർ) കെ ദിവാകരൻ(ജനറൽ കൺവീനർ) ഇ കെ അജിത്കുമാർ, അനീഷ് കെ പി, എൻ കെ അബ്ദുൾ ലത്തീഫ്(ജോ. കൺവീനർമാർ).