ശ്രീകണ്ഠാപുരം വാർത്തകൾ

ശ്രീകണ്ഠാപുരം: പൊതുവിദ്യാഭ്യാസ വകുപ്പ്, സമഗ്ര ശിക്ഷാ കേരളം ആഭിമുഖ്യത്തിൽ ഇരിക്കൂർ ബിആർസി സംഘടിക്കുന്ന ഉൾച്ചേർന്ന വിദ്യാഭ്യാസ ശില്പശാല തുടങ്ങി. ഭിന്നശേഷി വിദ്യാർത്ഥികൾ നേരിടുന്ന വെല്ലുവിളികളും പരിഹാരങ്ങളുമാണ് ശില്പശാലയിൽ പ്രധാനമായും ചർച്ച ചെയ്തത്. രണ്ട് ദിവസമായി നടക്കുന്ന അധ്യാപക ശില്പശാല പഴയങ്ങാടി ബിആർസി ഹാളിൽ ശ്രീകണ്ഠാപുരം നഗരസഭ ചെയർപേഴ്സൺ ഡോ.കെവി ഫിലോമിന ഉദ്ഘാടനം ചെയ്തു.സിആർസി കോർഡിനേറ്റർ വിപിന ബി പി അധ്യക്ഷത വഹിച്ചു.രഞ്ജിത്ത് മാസ്റ്റർ, സ്പെഷ്യൽ എഡ്യുക്കേറ്റർ പ്രസീത കെ, സിആർസി കോർഡിനേറ്റർ അനുഷിമ ടി പി, വിവിധ സെഷനുകൾക്ക് നേതൃത്വം നൽകി.പഴയങ്ങാടി ജിയുപിഎസ് പ്രധാനാധ്യാപകൻ അരവിന്ദാക്ഷൻ വി സംസാരിച്ചു.