ശ്രീകണ്ഠാപുരം വാർത്തകൾ

ശ്രീകണ്ഠപുരം നഗരസഭയുടെ 2024 – 25 വാർഷിക പദ്ധതിയിൽ ഉൾപ്പെടുത്തി ജൈവ മാലിന്യ സംസ്കരണത്തിനായി ജി ബിൻ കമ്പോസ്റ്റ് ഉം, ഹരിത കർമ്മ സേനാംഗങ്ങൾക്ക് നൽകുന്ന ക്യാരി ബാഗ് ന്റെയും വിതരണ ഉദ്ഘാടനം ശ്രീകണ്ഠപുരം നഗരസഭ ചെയർപേഴ്സൺ ഡോ കെ വി ഫിലോമിന ടീച്ചർ നിർവഹിച്ചു. വൈസ് ചെയർമാൻ കെ ശിവദാസൻ അധ്യക്ഷത വഹിച്ചു. ജൈവ മാലിന്യ സംസ്കരണ രംഗത്ത് വിവിധങ്ങളായ പദ്ധതികളിലൂടെ ഒന്നാംസ്ഥാനത്ത് നിൽക്കുന്ന ശ്രീകണ്ഠപുരം നഗരസഭ 30 ലക്ഷം രൂപയാണ് ജി ബിൻ കമ്പോസ്റ്റ് ന് വേണ്ടി വകയിരുത്തിയിരിക്കുന്നത്. ആറായിരം ക്യാരി ബാഗുകളാണ് ഹരിത കർമ്മ സേനാംഗങ്ങൾക്കായി വിതരണം ചെയ്തത്. ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ വി പി നസീമ സ്വാഗതം പറഞ്ഞ പരിപാടിയിൽ നഗരസഭ സ്ഥിരം സമിതി അധ്യക്ഷൻ മാരായ പി പി ചന്ദ്രാംഗദൻ മാസ്റ്റർ, ജോസഫിന ടീച്ചർ, കെ സി ജോസഫ് കൊന്നക്കൽ കൗൺസിലർ കെ വി കുഞ്ഞിരാമൻ മാസ്റ്റർ, എച്ച് ഐ പ്രേമരാജൻ വി, നഗരസഭാ ആരോഗ്യ വിഭാഗം ഉദ്യോഗസ്ഥർ ഹരിത കർമ്മ സേനാംഗങ്ങൾ തുടങ്ങിയവർ പങ്കെടുത്തു. ക്ലീൻ സിറ്റി മാനേജർ മോഹനൻ പി ചടങ്ങിന് നന്ദി പറഞ്ഞു.