ശ്രീകണ്ഠാപുരം വാർത്തകൾ

ചെമ്പേരി: നിർമല ഹയർ സെക്കൻഡറി സ്കൂളിൽ സ്റ്റുഡന്റ് പോലീസ് കേഡറ്റ് (എസ്പിസി) എട്ടാമത് ബാച്ചിന്റെ (2023-25) പാസിംഗ് ഔട്ട് പരേഡ് നടത്തി. ഏരുവശി ഗ്രാമപഞ്ചായത്ത് പ്രസിഡൻ്റ് മിനി ഷൈബി പരേഡിൽ സല്യൂട്ട് സ്വീകരിച്ചു. കുടിയാന്മല പോലീസ് സബ് ഇൻസ്പെക്ടർ കെ.കെ.രാധാകൃഷ്ണൻ, സ്കൂൾ മാനേജരും ചെമ്പേരി ലൂർദ് മാതാ ബസിലിക്ക റെക്ടറുമായ റവ.ഡോ.ജോർജ് കാഞ്ഞിരക്കാട്ട്,  സ്കൂൾ പ്രിൻസിപ്പൽ സി.ഡി.സജീവ്, ഹൈസ്കൂൾ മുഖ്യാധ്യാപകൻ എം.ജെ.ജോർജ്, യുപി സ്കൂൾ മുഖ്യാധ്യാപിക എൽസമ്മ ജോസഫ്, പിടിഎ പ്രസിഡൻ്റ്  മാത്തുക്കുട്ടി അലക്സ്, മദർ പിടിഎ പ്രസിഡന്റ് സോജി മനോജ് എന്നിവർ ചടങ്ങിൽ പങ്കെടുത്തു. സീനിയർ കേഡറ്റുകളായ ജെസ്വിൻ ജെയിംസ് ജോബിൻ, ആൻ മരിയ ബൈജു, താസിം താജുദ്ദീൻ, അന്നമോൾ ബിജു എന്നിവർ പരേഡ്  നയിച്ചു. കുടിയാൻമല പോലീസ് സ്റ്റേഷൻ സീനിയർ സിവിൽ പോലീസ് ഓഫീസർ പി.വി.സുജേഷ്, റിട്ട.പോലീസ് ഓഫീസർ കെ.എം.ബാബു, സ്കൂൾ കമ്മ്യൂണിറ്റി പോലീസ് ഓഫീസർമാരായ വിനോദ് അഗസ്റ്റിൻ, ബീന ഫിലിപ്പ് എന്നിവർ നേതൃത്വം നൽകി.    ▪️ റിപ്പോർട്ടർ: തോമസ് അയ്യങ്കനാൽ