ശ്രീകണ്ഠാപുരം വാർത്തകൾ

ശ്രീകണ്ഠപുരം :മടമ്പം പികെഎം കോളജ് ഓഫ് എഡ്യൂക്കേഷൻ ഹരിതകലാലയമായി ശ്രീകണ്ഠപുരം നഗരസഭ  പ്രഖ്യാപിച്ചു. നഗരസഭയുടെ ക്ലീൻസിറ്റി മാനേജർ മോഹനൻ, ഹെൽത്ത് ഇൻസ്പെക്ടർ പി.വി.സതീഷ്, രസിക അശോക്, എന്നിവർ കോളജ് സന്ദർശിച്ച് മാലിന്യ സംസ്കരണ സംവിധാനങ്ങളും പ്രവർത്തനങ്ങളും വിലയിരുത്തിയതിന്റെ അടിസ്ഥാനത്തിൽ കോളജിനെ ഹരിതകലാലയമായി പ്രഖ്യാപിക്കുകയും മുഴുവൻ സ്റ്റാഫ് അംഗങ്ങളുടെയും സാന്നിധ്യത്തിൽ സർട്ടിഫിക്കറ്റ് കൈമാറുകയും ചെയ്തു.  ക്ലീൻസിറ്റി മാനേജർ മോഹനനിൽ നിന്ന് കോളജ് പ്രിൻസിപ്പൽ ഡോ.എൻ.സി.ജെസി സർട്ടിഫിക്കറ്റ് ഏറ്റുവാങ്ങി. ▪️ റിപ്പോർട്ടർ: തോമസ് അയ്യങ്കനാൽ