ശ്രീകണ്ഠാപുരം വാർത്തകൾ

ചെമ്പന്തൊട്ടി : പള്ളിയിൽ നിന്നും ആരംഭിച്ച റാലി ടൗണിൽ സമാപിച്ചു.കറുത്ത തുണി കൊണ്ട് വായ് മൂടി കെട്ടി നടത്തിയ പ്രതിഷേധ റാലിയിൽ ഇടവക ജനങ്ങൾ പങ്കെടുത്തു.റാലിയെ അഭിസംബോധന ചെയ്ത് ചെമ്പന്തൊട്ടി ഫൊറോന വികാരി ഫാ.ആന്റണി മഞ്ഞളാംകുന്നേൽ,ഇടവക കോഡിനേറ്റർ വിൻസന്റ് കുഴിഞ്ഞാലിൽ,ഇടവക ട്രസ്റ്റി വർഗീസ് നെടിയകാലായിൽ എന്നിവർ സംസാരിച്ചു. തിരുവസ്ത്രം മോഷ്ടിച്ച് ശുചിമുറിയിൽ കൊണ്ടുപോയി ഇട്ട് ക്രൈസ്തവമതവിശ്വസങ്ങളെ വ്രണപ്പെടുത്തിയവരെ കണ്ടെത്തി മാതൃകാപരമായി ശിക്ഷിക്കാൻ പോലീസ് ശക്തമായ നടപടികൾ സ്വീകരിക്കണമെന്ന് റാലിയെ അഭിസംബോധന ചെയ്തു സംസാരിച്ചവർ ആവശ്യപ്പെട്ടു.സമാധാനപരമായ അന്തരീക്ഷം നിലനിന്നിരുന്ന ചെമ്പന്തൊട്ടിയിൽ അടുത്ത കാലത്ത് ഉണ്ടായിക്കൊണ്ടിരിക്കുന്ന അനിഷ്ട സംഭവങ്ങളെക്കുറിച്ചും, ഇരിക്കൂർ ഉപജില്ലാ സ്കൂൾ കലോത്സവത്തെ തുടർന്ന് ചെമ്പന്തൊട്ടിയിൽ ഉണ്ടായ സംഭവങ്ങളെക്കുറിച്ചും സമഗ്രമായ അന്വേഷണം നടത്തണമെന്ന് റാലിയിൽ പങ്കെടുത്തവർ ആവശ്യപ്പെട്ടു. ▪️ റിപ്പോർട്ടർ: തോമസ് അയ്യങ്കനാൽ