ശ്രീകണ്ഠാപുരം വാർത്തകൾ

പയ്യാവൂർ: ശുചിത്വ സുന്ദര കേരളം പദ്ധതിയുടെ ഭാഗമായി  ഏരുവേശി ഗ്രാമപഞ്ചായത്ത് ഹാളിൽ വിദ്യാർത്ഥികളുടെ ഹരിത പാർലമെന്റ് നടത്തി. പഞ്ചായത്ത് പ്രസിഡൻ്റ് മിനി ഷൈബി ഉദ്ഘാടനം ചെയ്തു. വൈസ് പ്രസിഡൻ്റ് മധു തൊട്ടിയിൽ അധ്യക്ഷത വഹിച്ചു. പഞ്ചായത്ത് അസിസ്റ്റന്റ് സെക്രട്ടറി ബിജോയ് മാത്യു ആമുഖ പ്രഭാഷണം നടത്തി. ബിആർസി  കോ- ഓർഡിനേറ്റർ വിപിന സ്കൂളുകൾക്കുള്ള  ഹരിത സർട്ടിഫിക്കറ്റുകൾ വിതരണം ചെയ്തു. പഞ്ചായത്ത് സെക്രട്ടറി റോബർട്ട് ജോസഫ് റിപ്പോർട്ട് അവതരിപ്പിച്ചു. ശുചിത്വ മിഷൻ റിസോഴ്സ് പേഴ്സൺ സുകുമാരൻ മലിന്യമുക്തം നവകേരളം കാമ്പയിൻ വിശദീകരണം നടത്തി. പഞ്ചായത്ത് പരിധിയിലുള്ള  17  സ്കൂളുകളും അവരുടെ പ്രവർത്തന റിപ്പോർട്ട് അവതരിപ്പിച്ചു. ജനപ്രതിനിധികൾ , വിഇഒ എന്നിവർ നേതൃത്വം നൽകി.    ▪️ റിപ്പോർട്ടർ: തോമസ് അയ്യങ്കനാൽ