ശ്രീകണ്ഠാപുരം വാർത്തകൾ

ശ്രീകണ്ഠപുരം: ജില്ലാ പഞ്ചായത്ത് പ്രസിഡണ്ടായി ചുമതലയേറ്റ കെ കെ രത്നകുമാരിക്ക് ശ്രീകണ്ഠപുരത്ത് സ്വീകരണം നൽകി. എൽഡിഎഫിന്റെ ആഭിമുഖ്യത്തിലാണ് സ്വീകരണം നൽകിയത്. ശ്രീകണ്ഠപുരം ഗവൺമെന്റ് ഹയർ സെക്കൻഡറി സ്കൂൾ പരിസരത്തു നിന്നും ആരംഭിച്ച പ്രകടനം ടൗൺചുറ്റി ബസ്റ്റാൻഡ് പരിസരത്തെ പിഡബ്ല്യുഡി ടൗൺ സ്ക്വയർ സമാപിച്ചു. സിപിഐ എം ജില്ലാ സെക്രട്ടറി എം വി ജയരാജൻ സ്വീകരണ സമ്മേളനം ഉദ്ഘാടനം ചെയ്തു. സിപിഐ മണ്ഡലം സെക്രട്ടറി സി രവീന്ദ്രൻ അധ്യക്ഷനായി. സിപിഐ എം ശ്രീകണ്ഠപുരം ഏരിയ സെക്രട്ടറി എം സി രാഘവൻ, ബിനു ഇലവുങ്കൽ, പി വി കുഞ്ഞികൃഷ്ണൻ, പി വി രാജേഷ്, ജില്ലാ പഞ്ചായത്ത് പ്രസിഡണ്ട് കെ കെ രത്നകുമാരി തുടങ്ങിയവർ സംസാരിച്ചു.