ശ്രീകണ്ഠാപുരം വാർത്തകൾ

പയ്യാവൂർ: ശിശുദിനാഘോഷത്തിന്റെ ഭാഗമായി നെല്ലിക്കുറ്റി സെന്റ് അഗസ്റ്റിൻസ് ഹൈസ്കൂൾ ലിറ്റിൽ കൈറ്റ്സ്, ജെആർസി, സ്കൗട്ട് ആൻഡ് ഗൈഡ് എന്നിവയുടെ സംയുക്താഭിമുഖ്യത്തിൽ നഴ്സറി സ്കൂളിലെ വിദ്യാർഥികൾക്ക് മുച്ചക്ര സൈക്കിൾ കൈമാറി. സ്കൂൾ മാനേജർ ഫാ.മാത്യു ഓലിയ്ക്കൽ ഉദ്ഘാടനം ചെയ്തു. ഹൈസ്കൂൾ  മുഖ്യാധ്യാപകൻ സിബി ഫ്രാൻസിസ് അധ്യക്ഷത വഹിച്ചു. പിടിഎ പ്രസിഡൻ്റ് സൈജു ഇലവുങ്കൽ, ജെആർസി കോ ഓർഡിനേറ്റർ ജെന്നി ജോസഫ്, ലിറ്റിൽ കൈറ്റ്സ് കോ ഓർഡിനേറ്റർ മജി മാത്യു, സ്കൗട്ട് ആൻഡ് ഗൈഡ് കോ ഓർഡിനേറ്റർ റീബ പി.സെബാസ്റ്റ്യൻ, സ്റ്റാഫ് സെക്രട്ടറി ബിജു എം.ദേവസ്യ, വിദ്യാരംഗം കൺവീനർ കെ.സി.ലിസി എന്നിവർ പ്രസംഗിച്ചു. വിദ്യാർത്ഥികളുടെ വിവിധ കലാപരിപാടികളും അരങ്ങേറി.    ▪️ റിപ്പോർട്ടർ: തോമസ് അയ്യങ്കനാൽ