ശ്രീകണ്ഠാപുരം വാർത്തകൾ

പയ്യാവൂർ: മുനമ്പത്ത് കുടിയിറക്ക് ഭീഷണി നേരിടുന്ന 610 കുടുംബങ്ങൾ നടത്തുന്ന സമരത്തിന് പിന്തുണ പ്രഖ്യാപിച്ച് കത്തോലിക്കാ കോൺഗ്രസ് ആഹ്വാനം ചെയ്‌ത നവംബർ 10 ഐക്യദാർഢ്യ ദിനാചരന്നം തലശ്ശേരി അതിരൂപതയിൽ 210 കേന്ദ്രങ്ങളിൽ നടന്നു. അതിരൂപത പ്രസിഡന്റ് ഫിലിപ്പ് വെളിയത്ത് ചെറുപുഴ മേഖലയിലും ഗ്ലോബൽ ട്രഷറർ ടോണി ജോസഫ് പുഞ്ചക്കുന്നേൽ പയ്യന്നൂർ മേഖലയിലും ജനറൽ സെക്രട്ടറി ജിമ്മി ആയിത്തമറ്റം ചെമ്പേരി മേഖലയിലും വൈസ് പ്രസിഡന്റ്ര മാരായ ബെന്നിച്ചൻ മഠത്തിനകം എടൂർ മേഖലയിലും ഐ.സി.മേരി കണ്ണൂർ മേഖലയിലും ഷിനോ പാറയ്ക്കൽ ചെമ്പന്തൊട്ടി മേഖലയിലും ടോമി കണയാങ്കൽ ആലക്കോട് മേഖലയിലും മുനമ്പം ഐക്യദാർഢ്യ ദിനത്തിന്റെ മേഖലാതല സമര പരിപാടികൾക്ക് നേതൃത്വം നൽകി. ജോർജ് കാനാട്ട്, ജോസ് പുത്തൻപുര, ബിജു ഒറ്റപ്ലാക്കൽ, തോമസ് വർഗീസ് വരമ്പുങ്കൽ, മാത്യു വള്ളോംകോട്ട്, ബെന്നി ചേരിക്കതടത്തിൽ, ബിജു മണ്ഡപത്തിൽ, ജോസഫ് മാത്യു കൈതമറ്റം, ജോളി ജോസഫ് എളളരഞ്ഞിയിൽ, ജെയ്സൺ അട്ടാറിമാക്കൽ, ബേബി കോയിക്കൽ, തോമസ് ഒഴുകയിൽ, സാജു പടിഞ്ഞാറേട്ട്, ജിജി കുന്നപ്പള്ളി, ജോണി തോലമ്പുഴ, സ്റ്റീഫൻ കീച്ചേരിക്കുന്നേൽ എന്നിവർ ഫൊറോനതല ഐക്യദാർഢ്യ ദിനാചരണ ചടങ്ങുകൾക്ക് നേതൃത്വം നൽകി.   ▪️ റിപ്പോർട്ടർ: തോമസ് അയ്യങ്കനാൽ