ശ്രീകണ്ഠാപുരം വാർത്തകൾ

ശ്രീകണ്ഠപുരം: ചെമ്പന്തൊട്ടിയില ഇരിക്കൂർ ഉപജില്ലാ കലോത്സവ നഗരിയിൽ ഹരിത പെരുമാറ്റച്ചട്ടം കർശനമായി നടപ്പിലാക്കുമെന്ന് സംഘാടക സമിതി ഭാരവാഹികൾ പറഞ്ഞു. പ്ലാസ്റ്റിക് രഹിത കലോത്സവമാക്കുക എന്ന ലക്ഷ്യത്തോടെ ജോണി ഉറുമ്പുകാട്ടിൽ, ഫ്രാൻസിസ് കാഞ്ഞിരത്തിങ്കൽ എന്നിവരുടെ നേതൃത്വത്തിൽ ഓടക്കുട്ട നിർമാണത്തിൽ പരിശീലനം നൽകി. നഗരസഭാ ക്ലീൻ സിറ്റി മാനേജർ മോഹൻ നമ്പ്യാർ, പി.എച്ച്.ഐ. സതീഷ്,ജനറൽ കൺവീനർ ബിജു.സി. അബ്രാഹം, പ്രോഗ്രാം കൺവീനർ ജോയിസ് സഖറിയാസ്, ഗ്രീൻ പ്രോട്ടോക്കോൾ കമ്മിറ്റി കൺവീനർ മേരിക്കുട്ടി ആലയ്ക്കൽ,സോയ് ജോസഫ്, വർഗ്ഗീസ് നെടിയകാലായിൽ , പി.ടി.എ.പ്രസിഡൻ്റ് സജി അടവിച്ചിറ, ഷീജ ജോമോൻ തുടങ്ങിയവർ പങ്കെടുത്തു. മാലിന്യങ്ങൾ വേർതിരിച്ച് നിക്ഷേപിക്കുന്നതിനായി നഗരസഭയിലെ ഹരിതസേനാംഗങ്ങൾ തെങ്ങോല കൊണ്ട് കുട്ടകൾ നിർമിച്ച് സംഘാടക സമിതിയെ ഏൽപ്പിച്ചു.