ശ്രീകണ്ഠാപുരം വാർത്തകൾ

ശ്രീകണ്ഠപുരം : നവംബർ 11 മുതൽ ചെമ്പന്തൊട്ടിയിൽ നടക്കുന്ന ഇരിക്കൂർ ഉപജില്ലാ സ്കൂൾ കലോത്സവം പ്രകൃതി സൗഹൃദമായിരിക്കണമെന്ന ദൃഢനിശ്ചയത്തോടെ ശ്രീകണ്ഠപുരം നഗരസഭയിലെ മുപ്പത് ഹരിതകർമ  സേനാംഗങ്ങൾ കലോത്സവ നഗരിയിലെത്തി. ഗ്രീൻ പ്രോട്ടോക്കോൾ അനുസരിച്ച് ഹരിതോത്സവമാക്കി മാറ്റാൻ ശുചിത്വ നിഷ്ഠകൾ ബോധ്യപ്പെടുത്തി തെങ്ങോല, ഈറ്റ  എന്നിവ ഉപയോഗിച്ച് കുട്ടകൾ നിർമിച്ച് സ്കൂളിന് നൽകി. പിഎച്ച്ഐ സതീഷ്, ഹരിതകർമ സേന പ്രസിഡൻ്റ് കെ.ലിഷ, സെക്രട്ടറി ഷീജ ജോമോൻ എന്നിവർ പ്രസംഗിച്ചു. ഹരിതകർമ സേനാംഗങ്ങൾ അമ്പതിലേറെ ഓലക്കുട്ടകൾ നിർമിച്ച് സ്കൂൾ മുഖ്യാധ്യാപകൻ ബിജു സി. ഏബ്രഹാമിന് കൈമാറി. മേരിക്കുട്ടി ആലയ്ക്കൽ, സോയ് ജോസഫ്, സജി അടവിച്ചിറ, വർഗീസ് നെടിയകാല, സജി കാരുവേലിൽ, ഷൈനി അരിമണ്ണിൽ എന്നിവർ പങ്കെടുത്തു.   ▪️ റിപ്പോർട്ടർ: തോമസ് അയ്യങ്കനാൽ