ശ്രീകണ്ഠാപുരം വാർത്തകൾ

പയ്യാവൂർ: മെഡിസെപ് പ്രിമീയം വർധിപ്പിക്കാനുള്ള നീക്കം ഉപേക്ഷിക്കണമെന്ന് കേരള സ്റ്റേറ്റ് സർവീസ് പെൻഷനേഴ്‌സ് അസോസിയേഷൻ (കെഎസ്എസ്പിഎ) കണ്ണൂർ ജില്ലാ പ്രസിഡൻ്റ് കെ.മോഹനൻ ആവശ്യപ്പെട്ടു.  കെഎസ്എസ്പിഎ പയ്യാവൂർ മണ്ഡലം വാർഷിക സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.  പ്രസിഡന്റ്‌ ടി.ടി.സെബാസ്റ്റ്യൻ അധ്യക്ഷത വഹിച്ചു. സെക്രട്ടറി പയ്യാവൂർ ബാലകൃഷ്ണൻ ആമുഖ പ്രഭാഷണം നടത്തി. ട്രഷറർ എം.പി.സിറിയക്ക് വരവ് ചെലവ് കണക്ക് അവതരിപ്പിച്ചു. കോൺഗ്രസ്‌ പയ്യാവൂർ മണ്ഡലം പ്രസിഡന്റ് ഇ.കെ.കുര്യൻ, ചന്ദ്രാംഗതൻ, പി.ദിനേശൻ, എം.പി.കുഞ്ഞുമൊയ്തീൻ,  ജോസ് അഗസ്റ്റിൻ, പി.സി.മറിയാമ്മ,പോൾ വർക്കി എന്നിവർ പ്രസംഗിച്ചു.   ഭാരവാഹികൾ: ടി.ടി.സെബാസ്റ്റ്യൻ-പ്രസിഡൻ്റ്, പയ്യാവൂർ ബാലകൃഷ്ണൻ-സെക്രട്ടറി, പോൾ വർക്കി- ട്രഷറർ.   ▪️ റിപ്പോർട്ടർ: തോമസ് അയ്യങ്കനാൽ