ശ്രീകണ്ഠാപുരം വാർത്തകൾ

പയ്യാവൂർ: സംസ്ഥാന സ്കൂൾ കായിക മേളയിൽ സവിശേഷ പരിഗണന അർഹിക്കുന്ന പെൺകുട്ടികളുടെ വിഭാഗം നൂറ് മീറ്റർ ഓട്ടത്തിൽ മികച്ച വിജയം കരസ്ഥമാക്കിയ  നഷ് വ സർഫുദ്ദീന് ചേടിച്ചേരി ദേശമിത്രം യുപി സ്കൂളിൻ്റെ ആഭിമുഖ്യത്തിൽ സ്വീകരണം നൽകി. അധ്യാപകർ, വിദ്യാർത്ഥികൾ, രക്ഷിതാക്കൾ, നാട്ടുകാർ എന്നിവർ ചേർന്ന് ഘോഷയാത്രയായി നഷ് വ യുടെ വീട്ടിലെത്തിയാണ് അനുമോദിച്ചത്.  സ്കൂൾ മുഖ്യാധ്യാപിക ഒ.സി.ബേബിലത പൂച്ചെണ്ട് നൽകിയും സ്കൂൾ  മാനേജ്മെൻ്റ്‌ പ്രതിനിധി അഡ്വ.പ്രമോദ് കാളിയത്ത്  ഹാരാർപ്പണം നടത്തിയുമാണ് ആദരിച്ചത്.  തുടർന്ന് സ്കൂൾ ഹാളിൽ നടന്ന യോഗത്തിൽ ഒ.സി. ബേബിലത, അഡ്വ.പ്രമോദ് കാളിയത്ത്, സി.സുനോജ്, എ.സുകിഷ, ടി.പി.മോളി, എം.വി.നിഷ, ബിആർസി ട്രെയിനർമാരായ സപ്ന, പ്രസീത എന്നിവർ അനുമോദന പ്രഭാഷണം നടത്തി.  ▪️ റിപ്പോർട്ടർ: തോമസ് അയ്യങ്കനാൽ