ശ്രീകണ്ഠാപുരം വാർത്തകൾ

പയ്യാവൂർ: പൈസക്കരി ദേവമാതാ ഫൊറോന പാരിഷ് കമ്മിറ്റിയുടെ ആഭിമുഖ്യത്തിൽ സൈബർ സുരക്ഷാ ബോധവത്കരണ പരിപാടി സംഘടിപ്പിച്ചു. ഫൊറോന വികാരി ഫാ.നോബിൾ ഓണംകുളം ആമുഖ പ്രഭാഷണം നടത്തി. മൊബൈൽ ഫോൺ ഉപയോഗിച്ച് നടത്തിവരുന്ന പണമിടപാടുകളിൽ ശ്രദ്ധിക്കേണ്ട കാര്യങ്ങൾ, യഥാർത്ഥ്യമെന്ന് തോന്നിപ്പിക്കുന്ന രീതിയിലുള്ള അറിയിപ്പുകളോ നിർദ്ദേശങ്ങളോ ഫോണിൽ ലഭിക്കുമ്പാേൾ അതനുസരിച്ച് പ്രതികരിക്കാതെ ഉടൻ തന്നെ സൈബർ സെല്ലിൽ വിവരം അറിയിക്കേണ്ടതിൻ്റെ പ്രധാന്യം എന്നിങ്ങനെ നിരവധി സുരക്ഷാ മുൻകരുതലുകൾ സംബന്ധിച്ച് പയ്യാവൂർ പോലീസ് സ്റ്റേഷൻ എസ്ഐ എം.ജെ.ബെന്നി ബോധവത്കരണ ക്ലാസിൽ വിശദമാക്കി. ഇടവക കോ ഓർഡിനേറ്റർ ബിനു മണ്ഡപം നേതൃത്വം നൽകി.  ▪️ റിപ്പോർട്ടർ: തോമസ് അയ്യങ്കനാൽ