ശ്രീകണ്ഠാപുരം വാർത്തകൾ

ശ്രീകണ്ഠപുരം: ചുഴലി വിജ്ഞാന പോഷിണി വായനശാല ആൻഡ് ഗ്രന്ഥാലയം വനിതാ വേദി, കേരള ശാസ്ത്ര സാഹിത്യ പരിഷത്ത് ശ്രീകണ്ഠപുരം മേഖലാ കമ്മിറ്റി എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച മേഖലാതല ആരോഗ്യ സെമിനാർ വിജ്ഞാന പോഷിണി വായനശാലാ ഓഡിറ്റോറിയത്തിൽ നടന്നു. ചെങ്ങളായി ഗ്രാമപഞ്ചായത്ത് വൈസ് പ്രസിഡൻ്റ് കെ.എം.ശോഭന ഉദ്ഘാടനം ചെയ്തു. ശാസ്ത്ര സാഹിത്യ പരിഷത്ത് മേഖലാ സെക്രട്ടറി പി.ഹരീഷ് അധ്യക്ഷത വഹിച്ചു. ടി.വി.ഒ.സുനിൽകുമാർ,  ശശീന്ദ്രൻ എന്നിവർ പ്രസംഗിച്ചു. ആരോഗ്യ പ്രവർത്തകൻ എം.എൻ.ആനന്ദ് ക്ലാസ് നയിച്ചു. ചുഴലി പ്രാഥമിക ആരോഗ്യ കേന്ദ്രത്തിൻ്റെ ആഭിമുഖ്യത്തിൽ ഷുഗർ, പ്രഷർ, ബിഎംഐ എന്നീ പരിശോധനകളും നടന്നു.   ▪️ റിപ്പോർട്ടർ: തോമസ് അയ്യങ്കനാൽ