ശ്രീകണ്ഠാപുരം വാർത്തകൾ

ശ്രീകണ്ഠപുരം: നവംബർ 11 മുതൽ 14 വരെ ചെമ്പന്തൊട്ടിയിൽ സെൻ്റ് ജോർജ് ഹൈസ്കൂൾ, ചെറുപുഷ്പം യുപി സ്കൂൾ എന്നിവിടങ്ങളിലെ പന്ത്രണ്ട് വേദികളിലായി നടക്കുന്ന ഇരിക്കുർ ഉപജില്ലാ സ്കൂൾ കലോത്സവത്തിനു വേണ്ടി വീഡിയോ ചിത്രീകരണം പൂർത്തിയാക്കിയ സ്വാഗത ഗാനത്തിൻ്റെ ലോഞ്ചിംഗ് ഹൈസ്കൂൾ ഗ്രൗണ്ടിൽ നടന്നു. സ്കൂൾ മുഖ്യാധ്യാപകൻ ബിജു സി.എബ്രഹാം ഉദ്ഘാടനം ചെയ്തു. സജീവ് ജോസഫ് എംഎൽഎ, എഇഒ പി.കെ.ഗിരീഷ് മോഹൻ, സ്കൂൾ പിടിഎ പ്രസിഡൻ്റ് സജി അടവിച്ചിറ, ജിയോ ജേക്കബ്, സോയി ജോസഫ്, തോമസ് കുര്യൻ, സോണി തുരുത്തിമറ്റം, ഷാജി മേലേമുറി, ഷീജ ജോമോൻ എന്നിവരടക്കം നിരവധി പേർ പങ്കെടുത്തു. സെൻ്റ് ജോർജ് ഹൈസ്കൂൾ, ചെറുപുഷ്പം യുപി സ്കൂൾ, സെൻ്റ് ജോർജ് ഫൊറോന പള്ളി, ചെമ്പന്തൊട്ടി ടൗൺ എന്നിവിടങ്ങളിലായാണ് ചിത്രീകരണം നടന്നത്. കെ.പി, സുനിൽകുമാറിൻ്റെ വരികൾക്ക്  പ്രമോദ് പൂമംഗലം ഈണം പകർന്ന ഗാനത്തിൻ്റെ വീഡിയോയും എഡിറ്റിംഗും നിർവഹിച്ചത്  ഷട്ടർ മാജിക് കരിപ്പാലാണ്.    ▪️ റിപ്പോർട്ടർ: തോമസ് അയ്യങ്കനാൽ