ശ്രീകണ്ഠാപുരം വാർത്തകൾ

പയ്യാവൂർ: അടുത്ത മാസം ചെമ്പന്തൊട്ടിയിൽ നടത്താൻ തീരുമാനിച്ചിട്ടുള്ള ഇരിക്കൂർ വിദ്യാഭ്യാസ ഉപജില്ലാ കേരള സ്കൂൾ കലോത്സവത്തിൻ്റെ ലോഗോ ഇരിക്കൂർ എഇഒ പി.കെ.ഗിരീഷ് മോഹൻ പ്രകാശനം ചെയ്തു. ചെമ്പന്തൊട്ടി സെൻ്റ് ജോർജ് ഹൈസ്കൂൾ ഓഡിറ്റോറിയത്തിൽ നടന്ന ചടങ്ങ് ഇരിക്കൂർ ബ്ലോക്ക് പ്രൊജക്ട് കോ ഓർഡിനേറ്റർ ടി.വി.ഒ.സുനിൽകുമാർ ഉദ്ഘാടനം ചെയ്തു. സ്കൂൾ മാനേജർ ഫാ.ആൻ്റണി മഞ്ഞളാംകുന്നേൽ അധ്യക്ഷത വഹിച്ചു. മുഖ്യാധ്യാപകൻ ബിജു സി.ഏബ്രഹാം ആമുഖ പ്രഭാഷണം നടത്തി. പിടിഎ ഭാരവാഹികളായ സജി അടവിച്ചിറ, ഷീജ ജോമോൻ,  വി.എം.തോമസ്, ജോയിസ് സഖറിയാസ് എന്നിവർ പ്രസംഗിച്ചു. പൈസക്കരി ദേവമാതാ ഹൈസ്കൂൾ ചിത്രകലാ അധ്യാപകൻ ശ്രീനി ചെമ്പന്തൊട്ടിയാണ് ഇത്തവണയും ലോഗോ ഡിസൈൻ ചെയ്തത്.   നവംബർ 11 മുതൽ 14 വരെ ചെമ്പന്തൊട്ടി സെന്റ് ജോർജ് ഹൈസ്കൂളിലും ചെറുപുഷ്പ യു.പി. സ്കൂളിലുമാണ് കലോത്സവം. ▪️ റിപ്പോർട്ടർ: തോമസ് അയ്യങ്കനാൽ