ശ്രീകണ്ഠാപുരം വാർത്തകൾ

പയ്യാവൂർ: കുടിയാന്മല വൈസ് മെൻ ഇന്റർനാഷണൽ ക്ലബിന്റെ ആഭിമുഖ്യത്തിൽ സജ്ജമാക്കിയ പാലിയേറ്റീവ് കെയർ യൂണിറ്റ് കുടിയാന്മലയിൽ പ്രവർത്തനം ആരംഭിച്ചു. വൈസ്‌മെൻ ഹാളിൽ നടന്ന ചടങ്ങിൽ ഏരുവേശി ഗ്രാമപഞ്ചായത്ത് പ്രസിഡൻ്റ് മിനി ഷൈബി യൂണിറ്റ് ഉദ്ഘാടനം ചെയ്തു. ക്ലബ് പ്രസിഡൻ്റ് ജോയി ജോൺ കുറിച്ചേൽ അധ്യക്ഷത വഹിച്ചു. പാലിയേറ്റീവ് കെയർ യൂണിറ്റിന്റെ രക്ഷാധികാരിയും കുടിയാന്മല ഫാത്തിമ മാതാ പള്ളി വികാരിയുമായ ഫാ.പോൾ വള്ളോപ്പിള്ളി അനുഗ്രഹ പ്രഭാഷണം നടത്തി.  ഫാ.അഭിലാഷ് ചെല്ലങ്കോട്ട്, സെബാസ്റ്റ്യൻ കുരിശുംമൂട്ടിൽ, ജിമ്മി ആയിത്തമറ്റം, ജോയി വണ്ടർകുന്നേൽ, സി.വിജയൻ, ബിജു മണ്ഡപത്തിൽ, ജോർജ് കൊച്ചുകുടിയാത്ത്, മാത്യു ചെരുവിൽ, സെലിൻ  പൊടിമറ്റം, ബിനു മണിമല, വിനോദ് കാപ്പിൽ എന്നിവർ പ്രസംഗിച്ചു.   ▪️ റിപ്പോർട്ടർ: തോമസ് അയ്യങ്കനാൽ