ശ്രീകണ്ഠാപുരം വാർത്തകൾ

പയ്യാവൂർ: മുത്താറിക്കുളം വിശുദ്ധ യൂദാ തദേവൂസ് തീർത്ഥാടന പള്ളിയിൽ പത്ത് ദിവസത്തെ തിരുനാൾ ആഘോഷങ്ങളും നൊവേന സമർപ്പണവും 27 വരെ നടക്കും. തിരുനാളിന് പൈസക്കരി ദേവമാതാ ഫൊറോന അസി.വികാരി മാത്യു ആനിക്കുഴി കാട്ടിൽ കൊടിയേറ്റി. തുടർന്ന് നടന്ന ജപമാല പ്രാർത്ഥനയെ തുടർന്ന് ആഘോഷമായ വിശുദ്ധ കുർബാന, വചന സന്ദേശം, നൊവേന എന്നിവക്ക് ചന്ദനക്കാംപാറ ഇടവക വികാരി ഫാ.ജോസഫ് ചാത്തനാട്ട് കാർമികത്വം വഹിച്ചു.. 26 വരെ എല്ലാ ദിവസവും വൈകുന്നേരം 4 ന് ജപമാല പ്രാർത്ഥന, തുടർന്ന് ആഘോഷമായ വിശുദ്ധ കുർബാന, വചന സന്ദേശം, നൊവേന എന്നിവയുണ്ടായിരിക്കും. ഫാ.മാത്യു ആനിക്കുഴിക്കാട്ടിൽ, ഫാ.വർഗീസ് കുന്നത്ത്, റവ.ഡോ.ജോസ് മടപ്പാട്ട് എച്ച്ജിഎൻ, ഫാ.തോമസ് വട്ടംകാട്ടേൽ, ഫാ.ഡെന്നീസ് നെല്ലിത്താനത്ത്, ഫാ.ജോർജ് എളൂക്കുന്നേൽ, ഫാ.ജിൻ്റോ കടയിലാൻ ഐഎസ് സിഎച്ച്, ഫാ.നോബിൾ ഓണംകുളം എന്നിവർ വിവിധ ദിവസങ്ങളിൽ തിരുക്കർമങ്ങൾക്ക് നേതൃത്വം നൽകും. 26 ന് വൈകുന്നേരം 7 ന് മുത്താറിക്കുളം പന്തലിലേക്ക് പ്രദക്ഷിണം, പാച്ചോർ നേർച്ച എന്നിവ നടക്കും. പ്രധാന തിരുനാൾ ദിനമായ 27 ന് രാവിലെ 10 ന് ഫാ.വർഗീസ് കളപ്പുരയ്ക്കലിൻ്റെ കാർമികത്വത്തിൽ ആഘോഷമായ റാസ കുർബാന, വചന സന്ദേശം ലദീഞ്ഞ്, പ്രദക്ഷിണം, സമാപനാശീർവാദം എന്നിവക്ക് ശേഷം ഊട്ട് നേർച്ചയുമുണ്ടായിരിക്കും.   ▪️ റിപ്പോർട്ടർ: തോമസ് അയ്യങ്കനാൽ