ശ്രീകണ്ഠാപുരം വാർത്തകൾ

പിലാത്തറ: ജനവാസകേന്ദ്രത്തിൽ പ്രവൃത്തിച്ചു വരുന്ന മദ്യവില്പനശാല അടച്ച് പൂട്ടണമെന്നാവശ്യപ്പെട്ട് കേരള മദ്യനിരോധന സമിതി പയ്യന്നൂർ താലൂക്ക് കമ്മറ്റിയുടെ ആഭിമുഖ്യത്തിൽ പിലാത്തറ ബസ് സ്റ്റാൻഡിൽ ധർണയും മദ്യവില്പനശാലയിലേക്ക് പ്രതിഷേധ മാർച്ചും നടത്തി. മദ്യനിരോധന സമിതി കണ്ണൂർ ജില്ലാ പ്രസിഡൻ്റ് ഐ.സി.മേരി ഉദ്ഘാടനം ചെയ്തു. പയ്യന്നൂർ താലൂക്ക് കമ്മിറ്റി പ്രസിഡന്റ് കെ.ജി.വർഗീസ് അധ്യക്ഷത വഹിച്ചു. പിലാത്തറ ഫൊറോന വികാരി ഫാ.ബെന്നി മണപ്പട്ട് അനുഗ്രഹ പ്രഭാഷണവും കത്തോലിക്ക കോൺഗ്രസ് തലശേരി അതിരൂപത പ്രസിഡൻ്റ് ഫിലിപ്പ് മാത്യു വെളിയത്ത് മുഖ്യപ്രഭാഷണവും നടത്തി. പരിസ്ഥിതി പ്രവർത്തകൻ മധു കക്കാട്,  പ്രസന്ന ലോഹിതാക്ഷൻ, വി.വി.സതി, കുഞ്ഞമ്മ തോമസ്, വി.ജെ.മാത്യു, ഒ.വി.തോമസ്, സൗമി ഇസബൽ എന്നിവർ പ്രസംഗിച്ചു.    ▪️ റിപ്പോർട്ടർ: തോമസ് അയ്യങ്കനാൽ