ശ്രീകണ്ഠാപുരം വാർത്തകൾ

പിലാത്തറ: സംസ്ഥാന ബിവറേജസ് കോർപ്പറേഷൻ്റെ ആഭിമുഖ്യത്തിൽ പിലാത്തറയിൽ പ്രവർത്തിച്ചു വരുന്ന മദ്യ വിൽപ്പനശാല എത്രയും വേഗം അടച്ചു പൂട്ടാൻ നടപടിയുണ്ടാകണമെന്ന്  കേരള മദ്യനിരോധന സമിതി പയ്യന്നൂർ താലൂക്ക് കമ്മിറ്റി യോഗം സർക്കാരിനോടാവശ്യപ്പെട്ടു. പയ്യന്നൂർ താലൂക്ക് കമ്മിറ്റി ചെയർമാൻ കെ.ജി.വർഗീസിന്റെ അധ്യക്ഷതയിൽ ചേർന്ന യോഗം പിലാത്തറ മദ്യ വില്പനശാലക്കെതിരേയുള്ള സമരം ശക്തമാക്കാൻ തീരുമാനിച്ചു. 17 ന് രാവിലെ 10.30 ന് പിലാത്തറ ബസ് സ്റ്റാൻഡ് പരിസരത്ത് ധർണയും മദ്യശാലയിലേക്ക് പ്രതിക്ഷേധ മാർച്ചും നടത്തും. യോഗത്തിൽ മദ്യനിരോധന സമിതി ജില്ലാ പ്രസിഡൻ്റ് ഐ.സി.മേരി, പിലാത്തറ ഫൊറോന വികാരി ഫാ.ബെന്നി മണപ്പാട്ട്, പയ്യന്നൂർ താലൂക്ക് കമ്മിറ്റി കൺവീനർ ഫെലിക്സ് ജോർജ്, ഒ.വി.തോമസ് എന്നിവർ പ്രസംഗിച്ചു.   ▪️ റിപ്പോർട്ടർ: തോമസ് അയ്യങ്കനാൽ