ശ്രീകണ്ഠാപുരം വാർത്തകൾ

ലപ്പട്ടം ഗ്രാമപഞ്ചായത്തിലെ ചൂളിയാട് 1925 സ്ഥാപിതമായ ചൂളിയാട് എ എല്‍ പി സ്കൂൾ അതിന്റെ പ്രൗഡമായ 100 വയസ്സ് പിന്നിടുകയാണ്.  രക്ത ഗ്രൂപ്പ് നിർണ്ണയി ക്യാമ്പ്, പൂർവ്വ വിദ്യാർത്ഥി സംഗമം, പൂർവ്വ അധ്യാപകരെ ആദരിക്കൽ, അങ്കണവാടി കലാമേള, വിദ്യാർത്ഥികളുടെ വിവിധ കലാകായിക പരിപാടികൾ, ചെസ്സ് മൽസരം, ശതാബ്ദി കെട്ടിട ഉദ്ഘാടനം, കാർഷിക പരിപാടികൾ, സമാപന സമ്മേളനം എന്നിവ ഉണ്ടാകും. ഔപചാരിക ഉദ്ഘാടനം ഒക്ടോബർ 17ന്  വ്യാഴാഴ്ച ഉച്ചയ്ക്ക് 2.30ന് ബഹുമാനപ്പെട്ട വിദ്യാഭ്യാസ വകുപ്പ് മന്ത്രി  വി ശിവൻ കുട്ടി നിർവ്വഹിക്കും. മലപ്പട്ടം ഗ്രാമപഞ്ചായത്ത് പ്രസിഡണ്ട് കെ പി രമണി അധ്യക്ഷത വഹിക്കും. ചടങ്ങിൽ സാമൂഹ്യ രാഷ്ട്രീയ സാംസ്ക്കാരിക രംഗത്തെ നിരവധി പേർ ആശംസകൾ അർപ്പിച്ചു സംസാരിക്കും. തുടർന്ന് വിവ ഓർക്കസ്ട്രയുടെ ഗാനമേളയും, വിവിധ കലാപരിപാടികളും അരങ്ങേറും.ഉദ്ഘാടനത്തിന്റെ ഭാഗമായി ഒക്ടോബർ 13 ന് വൈകുന്നേരം 5 മണിക്ക് വിളംബര ബൈക്ക് റാലിയും ഒക്ടോബർ 16 ന് രാത്രി 7 മണിക്ക് വീടുകളിൽ അക്ഷരദീപം തെളിയിക്കലും സംഘടിപ്പിക്കും.