ശ്രീകണ്ഠാപുരം വാർത്തകൾ

പയ്യാവൂർ: സംസ്ഥാനത്ത് വൈദ്യുതി നിരക്ക് വർധിപ്പിക്കാനുള്ള നീക്കം ഉപേക്ഷിക്കണമെന്ന് കത്തോലിക്ക കോൺഗ്രസ് തലശേരി അതിരൂപത കമ്മിറ്റി ആവശ്യപ്പെട്ടു. ഈ മാസം പകുതിയോടെ നടപ്പാക്കാനുദ്ദേശിക്കുന്ന വൈദ്യുതി നിരക്ക് വർദ്ധനവ് സാധാരണ ഉപഭോക്താക്കൾക്ക് കനത്ത ഇരുട്ടടിയായിരിക്കുമെന്ന് കമ്മറ്റി അഭിപ്രായപ്പെട്ടു. കത്തോലിക്ക കോൺഗ്രസ് ഗ്ലോബൽ ഡയറക്ടർ ഫാ.ഫിലിപ്പ് കവിയിൽ യോഗം ഉദ്ഘാടനം ചെയ്തു.  അതിരൂപത പ്രസിഡൻ്റ് ഫിലിപ്പ് വെളിയത്ത് അധ്യക്ഷത വഹിച്ചു. ഗ്ലോബൽ ട്രഷറർ ടോണി ജോസഫ് പുഞ്ചക്കുന്നേൽ, ജനറൽ സെക്രട്ടറി ജിമ്മി ആയിത്തമറ്റം, ജോർജ് കാനാട്ട്, ഷാജു ഇടശേരി, വർഗീസ് പള്ളിച്ചിറ, സിജോ കണ്ണേഴത്ത്, ജോർജ് ജോസഫ് വലിയമറത്താങ്കൽ, മാർട്ടിൻ കൊട്ടാരം, സരിത ജോസ്, ജെയിംസ് പേരുക്കുന്നേൽ, സെബാസ്റ്റ്യൻ ജാതികുളം, ഷിജിത്ത് കുഴിവേലിൽ, രാജീവ് കണിയാന്തറ, ഡേവിസ് ആലങ്ങാടൻ, ജോസഫ് കൊച്ചുകുന്നത്ത്പറമ്പിൽ, കിഷോർ ചൂരനോലി എന്നിവർ പ്രസംഗിച്ചു.  ◾ റിപ്പോർട്ടർ: തോമസ് അയ്യങ്കനാൽ