ശ്രീകണ്ഠാപുരം വാർത്തകൾ

ചെമ്പേരി: ഇടനിലക്കാരുടെ ചൂഷണമില്ലാതെ കർഷകരുടെ ഉത്പന്നങ്ങൾ ഞായറാഴ്ച ചന്തകളിലൂടെ വിപണനം നടത്തുക, ഉപഭോക്താക്കൾക്ക് ഗുണമേന്മയുള്ള ഉത്പന്നങ്ങൾ ഉറപ്പ് വരുത്തുക, മൂല്യവർധിത ഉത്പന്നങ്ങളുടെ നിർമാണത്തിലൂടെ കൂടുതൽ തൊഴിലവസരങ്ങൾ സൃഷ്ടി ക്കുക എന്നീ ലക്ഷ്യങ്ങൾ മുന്നിൽകണ്ട് തലശേരി അതിരൂപതയുടെ ആഭിമുഖ്യത്തിൽ രൂപീകൃതമായ ബയോ മൗണ്ട് പ്രൊഡ്യൂസേഴ്സ് കമ്പനിയുടെ വിശദീകരണ സമ്മേളനം ഒക്ടോബര് 2ന് ഉച്ചകഴിഞ്ഞ് 3 ന് ചെമ്പേരി മദർ തെരേസ ഓഡിറ്റോറിയത്തിൽ നടക്കും. ചെമ്പേരി ലൂർദ് മാതാ ബസിലിക്ക റെക്ടർ റവ.ഡോ.ജോർജ് കാഞ്ഞിരക്കാട്ട് അധ്യക്ഷത വഹിക്കും. ബയോ മൗണ്ട് അതിരൂപത ഡയറക്ടർ ഫാ.ബെന്നി നിരപ്പേൽ കമ്പനിയുടെ പ്രവർത്തനങ്ങൾ വിശദീകരിക്കും. ചെമ്പേരി പാരീഷ് കൗൺസിൽ കോ ഓർഡിനേറ്റർ, ബയോ മൗണ്ട് ചെമ്പേരി യൂണിറ്റ് ഭാരവാഹികൾ എന്നിവർ പ്രസംഗിക്കും. ബയോ മൗണ്ട് ചെമ്പേരി യൂണിറ്റിലെ അംഗങ്ങൾക്കും അംഗമാകാൻ താത്പര്യപ്പെടുന്ന കർഷകർക്കും കമ്പനിയുടെ പ്രവർത്തനങ്ങൾ വിശദമായി ബോധ്യപ്പെടാനും സംശയ നിവാരണത്തിനും സമ്മേളനത്തിൽ അവസരമുണ്ടായിരിക്കും.  റിപ്പോർട്ടർ: തോമസ് അയ്യങ്കനാൽ