ശ്രീകണ്ഠാപുരം വാർത്തകൾ

മട്ടന്നൂർ: തിങ്കളാഴ്ച മുതൽ ശനിയാഴ്ച വരെ എല്ലാ ദിവസവും രാവിലെ 10 മുതൽ വൈകു: 6 മണിവരെയാണ് സത്യാഗ്രഹ സമരം നടന്നുവരുന്നത്. ഇന്ന് രാവിലെ 10 മണിക്ക് രാജീവ്‌ ജോസഫ് സമര പന്തലിൽ എത്തിയപ്പോഴാണ് മുഴുവൻ കസേരകളും സമര പന്തലിൽ നിന്നും മോഷ്ടിക്കപ്പെട്ട നിലയിൽ കണ്ടെത്തിയത്. പന്തലിൽ കെട്ടിയിരുന്ന ബാനറും അഴിച്ചിട്ട നിലയിൽ കാണുന്നു. മട്ടന്നൂർ പോലീസിൽ പരാതി കൊടുത്തു. ഇരിക്കാൻ കസേരകൾ ഇല്ലാത്തതുകൊണ്ട്, രാജീവ്‌ ജോസഫിന്റെ നേതൃത്വത്തിൽ ഉടൻ നിൽപ്പ് സമരം ആരംഭിക്കും. എന്തൊക്കെ പ്രതിസന്ധികൾ ഉണ്ടായാലും, പോയന്റ് ഓഫ് കോൾ ലഭിക്കുന്നതുവരെ സമര പരിപാടികൾ ശക്തമായി മുന്നോട്ട് കൊണ്ടുപോകുമെന്ന് രാജീവ്‌ ജോസഫ് പ്രഖ്യാപിച്ചു