ശ്രീകണ്ഠാപുരം വാർത്തകൾ

പയ്യാവൂർ: യംഗ് മൈൻഡ്സ് ഇൻ്റർനാഷണൽ കുടിയാന്മല ചാപ്റ്ററിൻ്റെ  ഈ വർഷത്തെ ഓണാഘോഷ പരിപാടികളും റീജണൽ ചെയർമാന്റെ  ഔദ്യോഗിക സന്ദർശനവും പൈതൽമലയിലെ  പൈതൽ ഹിൽ റിസോർട്ടിൽ നടന്നു. പൈതൽമലയിലേക്ക് നടത്തിയ ഏകദിന വിനോദ സഞ്ചാരത്തിനൊപ്പം പൂക്കളമൊരുക്കിയും ആരംഭിച്ച ആഘോഷ പരിപാടികൾ യംഗ് മൈൻഡ്സ്  ഇന്റർനാഷണൽ റീജണൽ ചെയർമാൻ കെ.രഞ്ജിത്ത് കുമാർ  ഉദ്ഘാടനം ചെയ്തു. റീജണൽ ഭാരവാഹികളായ രാജേഷ് ഗോപാൽ, പ്രമോദ്, കെ.രാജൻ, ഡിസ്ട്രിക്ട് ട്രഷറർ ബിജു ഫ്രാൻസിസ്, മാത്യു കുടക്കച്ചിറ, മാത്യു തെള്ളിയിൽ, കുടിയാന്മല ഗോപാലൻ, പോൾ മഞ്ചപ്പിള്ളിൽ എന്നിവർ പ്രസംഗിച്ചു. കുട്ടികൾക്കും മുതിർന്നവർക്കുമായി വിവിധ കലാ കായിക മത്സരങ്ങളും വിഭവസമൃദ്ധമായ ഓണസദ്യയും നടന്നു. ആഘോഷ പരിപാടികൾക്ക്  സാജു പൊടിപ്പാറ, ബെന്നി ആലിങ്കൽകരോട്ട്, ഷീജ ബെന്നി, ബെന്നി മണ്ണംപ്ലാക്കൽ, ജോയി കിഴക്കയിൽ എന്നിവർ നേതൃത്വം നൽകി.    ▪️ റിപ്പോർട്ടർ: തോമസ് അയ്യങ്കനാൽ