ശ്രീകണ്ഠാപുരം വാർത്തകൾ

8 വർഷമായി കെയർ ഗിവർ തസ്തികയിൽ ജോലി ചെയ്തു വന്നിരുന്ന ഷീജക്ക് 2023 ഒക്ടോബർ ഏഴാം തിയതിയാണ് സ്ഫോടനത്തിൽ ഗുരുതര പരിക്കേറ്റത്. ബുള്ളറ്റുകൾ വയറിലും നട്ടെല്ലിലും തുളച്ചുകയറിയതിനാൽ ഒരു വർഷക്കാലം ഇസ്രയേലിൽ തീവ്രപരിചരണ വിഭാഗത്തിൽ ചികിത്സയിലായിരുന്നു. ഭർത്താവ് ആനന്തനും ചികിത്സ്യാവശ്യാർത്ഥം ഇസ്രയേലിലായിരുന്നു. രണ്ടു പെൺ മക്കളിൽ ഒരാൾ ബി.എസ്.സി നേഴ്സിംഗ് പഠനം പൂർത്തീകരിച്ചു. ഇളയ പെൺകുട്ടി നേഴ്സിംഗ് വിദ്യാർത്ഥിനിയാണ്. നാട്ടിൽ തിരികെയെത്തിയ ഷീജയെ ഗ്രാമ പഞ്ചായത്ത് പ്രസിഡൻ്റ് അഡ്വ.സാജു സേവ്യർ വീട്ടിൽ സന്ദർശിച്ചു.വൈസ് പ്രസിഡന്റ് പ്രീത സുരേഷ്, സ്റ്റാന്റിംഗ് കമ്മറ്റി ചെയർമാൻ കെ.മോഹനൻ, പി.സി ജയിംസ് എന്നിവരും ഒപ്പമുണ്ടായിരുന്നു.ഷീജക്കും കുടുംബാംഗങ്ങൾക്കും എല്ലാവിധ സംരക്ഷണവും ഉറപ്പാക്കുമെന്ന് പഞ്ചായത്ത് പ്രസിഡന്റ് സാജു സേവ്യർ അറിയിച്ചു. ▪️ റിപ്പോർട്ടർ: തോമസ് അയ്യങ്കനാൽ