ശ്രീകണ്ഠാപുരം വാർത്തകൾ

ശ്രീകണ്ഠപുരം : നഗരസഭയിലെ ചേപ്പറമ്പിൽ സ്വരലയകുടുംബശ്രീയുടെ നേതൃത്വത്തിൽ പൂകൃഷി വിളവെടുപ്പ് ഏഴാം വാർഡ് കൗൺസിലർ ഷംന ജയരാജ് ഉദ്ഘാടനം ചെയ്തു.ചേപറമ്പ് സ്കൂളിലെ പ്രധാന അധ്യാപകൻ ശ്രീജിത്ത് മാസ്റ്റർ പൂക്കൾ ഏറ്റുവാങ്ങി. ചേപ്പറമ്പിലെ മനത്താനത്ത് മോഹനൻ എന്നവരുടെ 10 സെൻ്റ് സ്ഥലത്താണ് പൂക്കൃഷി നടത്തിയത്. നഗരസഭാ കൃഷിഭവൻ മുഖേനയാണ് തൈകൾ നട്ട് വളർത്തിയത്. ലളിതകുമാരി, ഷംന, ശാരദ ,പുഷ്പ, മഹിത,ശകുന്തള. സാവിത്രി എന്നിവരുടെ നേതൃത്യത്തിലാണ് പുഷ്പകൃഷി നടത്തിയത്.കൃഷിഭവനിൽ നിന്നും കൃഷി ഓഫീസർ വേണ്ട നിർദ്ദേശങ്ങൾ നൽകി.സ്കൂളിലെ പി.ടി.എ. പ്രസിഡൻറ്റ് രാജേഷ് കാവിൽ, ADS സെക്രട്ടറി സുഷമ , തുടങ്ങി അധ്യാപകരും, കുട്ടികളും, നാട്ടുകാരും ചടങ്ങിൽ പങ്കെടുത്തു.