ശ്രീകണ്ഠാപുരം വാർത്തകൾ

പയ്യാവൂർ: നെല്ലിക്കുറ്റി കേരളോദയ  വായനശാലയിൽ നടന്ന ക്യാമ്പ്  ഏരുവേശി ഗ്രാമപഞ്ചായത്ത്‌ പ്രസിഡന്റ്‌ മിനി ഷൈബി ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ പൗളിൻ തോമസ്  അധ്യക്ഷത വഹിച്ചു. ഹോമിയോ ഡിസ്പൻസറി മെഡിക്കൽ ഓഫീസർ ഡോ.കെ.ജെ.ബിന്ദു ആമുഖ പ്രഭാഷണം നടത്തി. നെല്ലിക്കുറ്റി ഇടവക വികാരി ഫാ.മാത്യു ഓലിയ്ക്കൽ, ഇരിക്കൂർ ബ്ലോക്ക് പഞ്ചായത്ത് മെംബർ സോജൻ കരാമയിൽ, കേരള സീനിയർ സിറ്റിസൺ ഫോറം ഇരിക്കൂർ ബ്ലോക്ക് പ്രസിഡൻ്റ് ജോണി മുണ്ടയ്ക്കൽ, വായനശാല സെക്രട്ടറി ഷൈജു ഇലവുങ്കൽ  എന്നിവർ സംസാരിച്ചു. മെഡിക്കൽ ഓഫീസർ ഡോ.റൂസ്മിയ ബോധവത്ക്കരണ ക്ലാസിന് നേതൃത്വം നൽകി. ക്യാമ്പിൽ ഡോ.ബിന്ദു, ഡോ.റൂസ്മിയ എന്നിവർ രോഗികളെ പരിശോധിച്ച് ചികിത്സ നിർണയിച്ചു. സൗജന്യ രക്ത പരിശോധനയും യോഗയുടെ പ്രാധാന്യത്തെക്കുറിച്ചുള്ള ക്ലാസും നടന്നു.  ▪️ റിപ്പോർട്ടർ: തോമസ് അയ്യങ്കനാൽ