ശ്രീകണ്ഠാപുരം വാർത്തകൾ

ചെമ്പേരി: മണ്ണംകുണ്ടിലെ ലാസലെറ്റ് മരിയൻ ഭവനിൽ പരിശുദ്ധ ലാസലെറ്റ് മാതാവിൻ്റെ നൂറ്റിയെഴുപത്തൊമ്പതാമത് പ്രത്യക്ഷ തിരുനാൾ 11 മുതൽ 19 വരെ ആചരിക്കും. ആഘോഷ പരിപാടികൾക്ക് തുടക്കം കുറിച്ച് ജപമാല പ്രാർത്ഥന, കൊടിയേറ്റ്, ലദീഞ്ഞ് എന്നിവക്ക് ചെമ്പേരി ലൂർദ് മാതാ ബസിലിക്ക റെക്ടർ റവ.ഡോ.ജോർജ് കാഞ്ഞിരക്കാട്ട് നേതൃത്വം നൽകി. തുടർന്ന് നൊവേനക്കും വിശുദ്ധ കുർബാനക്കും ഫാ.ചെറിയാൻ ചെമ്പകശേരിൽ കാർമികത്വം വഹിച്ചു. 18 വരെ എല്ലാ ദിവസവും വൈകുന്നേരം 4.30 ന് ജപമാല പ്രാർത്ഥന, നൊവേന, വിശുദ്ധ കുർബാന എന്നിവയുണ്ടായിരിക്കും. ഫാ.സനീഷ് പൂവത്തിങ്കൽ, ഫാ.ലിബിൻ തോമസ് ഏഴുപറയിൽ, ഫാ.പോൾ വള്ളോപ്പിള്ളി, ഫാ.ഷാരോൺ പാറത്താഴെ, ഫാ. ജെസ്ബിൻ പുലവേലിൽ, ഫാ.ജോസഫ് പുതുമന, ഫാ.അനൂപ് മാഞ്ചിറയിൽ എന്നിവർ വിവിധ ദിവസങ്ങളിൽ തിരുക്കർമങ്ങൾക്ക് നേതൃത്വം നൽകും. പ്രധാന തിരുനാൾ ദിനമായ 19 ന് വൈകുന്നേരം 4.45 ന് നൊവേനക്ക് ശേഷം ആഘോഷമായ തിരുനാൾ കുർബാനക്ക് തലശേരി അതിരൂപത ആർച്ച് ബിഷപ്പ് മാർ ജോസഫ് പാംപ്ലാനി മുഖ്യകാർമികത്വം വഹിക്കും.   ▪️ റിപ്പോർട്ടർ: തോമസ് അയ്യങ്കനാൽ