ശ്രീകണ്ഠാപുരം വാർത്തകൾ

പയ്യാവൂർ: ഹരിത ഫാർമേഴ്‌സ് ക്ലബിന്റെ ആഭിമുഖ്യത്തിൽ ഓണാഘോഷ പരിപാടിയും ആദരിക്കലും സംഘടിപ്പിച്ചു. പയ്യാവൂർ ഗ്രാമപഞ്ചായത്ത് മെംബർ ടി.പി.അഷ്‌റഫ്‌ ഉദ്ഘാടനം ചെയ്തു. ക്ലബ് പ്രസിഡന്റ്‌ സി.പി.ജോസഫ് അധ്യക്ഷത വഹിച്ചു. ദീർഘകാലമായി മാധ്യമ രംഗത്ത് പ്രവർത്തിച്ചുവരുന്ന തോമസ് അയ്യങ്കാനാൽ, മുൻ സൈനികൻ ക്യാപ്റ്റൻ ടോമി നെല്ലിക്കുന്നേൽ എന്നിവരെ ഉപഹാരങ്ങൾ നൽകി ആദരിച്ചു. കേരള ഗ്രാമീൺ ബാങ്ക് പയ്യാവൂർ ശാഖ മാനേജർ ചിത്ര സെബാസ്റ്റ്യൻ, കൃഷി അസിസ്റ്റൻ്റ് പി.അജീഷ്, കുഞ്ഞുമോൻ കുഴിവേലിൽ, ജോണി തെക്കേടത്ത്, ജോൺ പൗവത്തിൽ എന്നിവർ പ്രസംഗിച്ചു.  ▪️ റിപ്പോർട്ടർ: തോമസ് അയ്യങ്കനാൽ