ശ്രീകണ്ഠാപുരം വാർത്തകൾ

അവാർഡ് കേരള സ്റ്റേറ്റ് ഭാരത് സ്കൗട്ട് & ഗൈഡ്സ് ഈ വർഷത്തെ മെഡൽ ഓഫ് മെറിറ്റ് അവാർഡ് ചെങ്ങളായി മാപ്പിള എ.എൽ.പി.യിലെ മുൻ പ്രധാനധ്യാപകൻ ഇ.പി മധുസൂദനൻ മാസ്റ്റർക്ക് .30 വർഷത്തിലധികമായി സ്കൗട്ട് രംഗത്ത് പ്രവർത്തിച്ചു കൊണ്ടിരിക്കുന്ന ഇദ്ദേഹം സംസ്ഥാനത്തിനകത്തും പുറത്തും നിരവധി അധ്യാപകർക്ക് പരിശീലനങ്ങൾ നൽകുകയും അനേകം ക്യാമ്പുകൾ സംഘടിപ്പിക്കുകയും ചെയ്തിട്ടുണ്ട്. സംസ്ഥാന തലത്തിലും ദേശീയ തലത്തിലും കബ്ബ് – ബുൾബുൾ ഉത്സവങ്ങളിൽ പങ്കെടുത്തിട്ടുണ്ട്. നിലവിൽ സ്കൗട്ട് & ഗൈഡ്സ് കബ്ബ് വിഭാഗത്തിൽ ലീഡർ ട്രെയിനറാണ്. ജില്ലാ സെക്രട്ടറി ജില്ലാ ട്രഷറർ എന്നീ നിലകളിൽ പ്രവർത്തിച്ചിട്ടുണ്ട്. തളിപ്പറമ്പ വിദ്യാഭ്യാസ ജില്ലയുടെ ഭാരത് സ്കൗട്ട് & ഗൈഡ്സിൻ്റെ സ്കൗട്ട് വിഭാഗം ഡിസ്ട്രിക് ട്രെയിനിംഗ് കമ്മീഷണറായി ഇപ്പോൾ സേവനം ചെയ്യുന്നു. ചെങ്ങളായി മാപ്പിള ALPS അധ്യാപികയായ പി.കെ പ്രേമ ലത ടീച്ചർക്ക് ഭാരത് സ്കൗട്ട് & ഗൈഡ്സിൻ്റെ ഈ വർഷത്തെ ലോംഗ് സർവ്വീസ് അവാർഡ് ലഭിച്ചു. 20 വർഷക്കാലമായി വിദ്യാലയത്തിൽ ബുൾബുൾ ഫ്ലോക്കിൻ്റെ ലീഡറായി സേവനം ചെയ്യുന്നു.