ശ്രീകണ്ഠാപുരം വാർത്തകൾ

പയ്യാവൂർ: നെല്ലിക്കുറ്റി സെന്റ് അഗസ്റ്റിൻസ് ഹൈസ്കൂളിൽ പിടിഎ, എകെസിസി എന്നിവയുടെ സംയുക്താഭിമുഖ്യത്തിൽ നടന്ന അധ്യാപക ദിനാചരണം എകെസിസി യൂണിറ്റ് പ്രസിഡൻ്റ് ജോണി മലേക്കുടിയിൽ ഉദ്ഘാടനം ചെയ്തു. പിടിഎ പ്രസിഡൻ്റ് സൈജു ഇലവുങ്കൽ അധ്യക്ഷത വഹിച്ചു. സ്കൂൾ മാനേജർ ഫാ.മാത്യു ഓലിയ്ക്കൽ അനുഗ്രഹ പ്രഭാഷണം നടത്തി. മൊമെന്റോ നൽകി അധ്യാപകരെ  ആദരിച്ചു. സ്കൂൾ മുഖ്യാധ്യാപകൻ സിബി ഫ്രാൻസിസ്, പിടിഎ  വൈസ് പ്രസിഡൻ്റ് അജി കരിയിൽ, കോ ഓർഡിനേറ്റർ ജോസ് അഗസ്റ്റിൻ, മദർ പിടിഎ പ്രസിഡൻ്റ് റീന സജി, സ്കൂൾ ലീഡർ അവിതാൻ നിഷാന്ത്, സീനിയർ അസിസ്റ്റന്റ് മജി മാത്യു, വിദ്യാരംഗം കൺവീനർ കെ.സി.ലിസി എന്നിവർ പ്രസംഗിച്ചു. എകെസിസി പ്രവർത്തകരായ സാവിയോ ഇടയാടിയിൽ, തങ്കച്ചൻ നടുവത്ത്, പോൾ മുണ്ടയ്ക്കൽ, സണ്ണി തുളിശേരിൽ, ടോമി ചാമക്കാലായിൽ, റോബി ഇലവുങ്കൽ, ജൂബി ചാമക്കാലായിൽ, ടോമി ആനിക്കൂട്ടത്തിൽ, ലൈസമ്മ വേങ്ങത്താനം, എൽസമ്മ കൊച്ചുചെറുനിലത്ത്, ജോളി മറ്റത്തിനാനിയ്ക്കൽ, മദർ പിടിഎ വൈസ് പ്രസിഡന്റ്   ജെസി വലിയപറമ്പിൽ എന്നിവർ നേതൃത്വം നൽകി.   ▪️ റിപ്പോർട്ടർ: തോമസ് അയ്യങ്കനാൽ