ശ്രീകണ്ഠാപുരം വാർത്തകൾ

ശ്രീകണ്ഠപുരം: ക്ഷേമനിധി ബോർഡുകളെ സംരക്ഷിക്കുക, ക്ഷേമനിധി ബോർഡുകൾ മുഖേന നൽകാനുള്ള ആനുകൂല്യങ്ങൾ അനുവദിക്കുക, പതിമൂന്ന് മാസത്തെ പെൻഷൻ കുടിശിക ഓണത്തിന് മുമ്പ് വിതരണം ചെയ്യുക എന്നീ ആവശ്യങ്ങൾ ഉന്നയിച്ച് പ്രതിഷേധ സമരം നടത്താനുള്ള സിഎംപി സെൻട്രൽ കൗൺസിലിൻ്റെ തീരുമാനപ്രകാരം സമരത്തിൻ്റെ ഒന്നാംഘട്ടമായി ഏരിയാ കമ്മിറ്റികളുടെ നേതൃത്വത്തിൽ  പൊതുജനങ്ങളിൽ നിന്ന് ഒപ്പുകൾ ശേഖരിച്ച് മുഖ്യമന്ത്രിക്ക് നിവേദനം നൽകി. ശ്രീകണ്ഠപുരം  ഏരിയ കമ്മിറ്റിയുടെ ആഭിമുഖ്യത്തിൽ സമാഹരിച്ച ഒപ്പുകൾ മുഖ്യമന്ത്രിക്ക് സ്പീഡ് പോസ്റ്റ് വഴി അയച്ചു. ഏരിയ സെക്രട്ടറി വി.എൻ.അഷ്‌റഫ്‌, സി.പി.ഷംസുദ്ദീൻ, എം.ഗോപി, കുഞ്ഞൻ പയ്യാവൂർ, കൃഷ്ണൻ മഞ്ഞേരി, വിജയൻ കാഞ്ഞിലേരി എന്നിവർ നേതൃത്വം നൽകി.   ▪️ റിപ്പോർട്ടർ: തോമസ് അയ്യങ്കനാൽ