ശ്രീകണ്ഠാപുരം വാർത്തകൾ

ചെമ്പേരി: വിശ്രമ ജീവിതം നയിക്കവേ നവതിയുടെ നിറവിലെത്തിയ റിട്ട. മുഖ്യാധ്യാപകൻ ജോർജ് മാത്യു പന്നിക്കോട്ടിനെ കേരള സീനിയർ സിറ്റിസൺ ഫോറം (കെഎസ് സിഎഫ്) ചെമ്പേരി യൂണിറ്റിൻ്റെ ആഭിമുഖ്യത്തിൽ അദ്ദേഹത്തിൻ്റെ വസതിയിലെത്തി ആദരിച്ചു. ദീർഘകാലം ചെമ്പേരി നിർമല ഹൈസ്കൂളിൽ അധ്യാപകനും തുടർന്ന് മുഖ്യാധ്യാപകനുമായിരുന്ന അദ്ദേഹം പ്രമുഖ സംഘാടകനും സഹകാരിയും കേരള സീനിയർ സിറ്റിസൺ ഫോറം സജീവ പ്രവർത്തകനുമാണ്. ആദരിക്കൽ ചടങ്ങിൽ അധ്യക്ഷത വഹിച്ച കെഎസ് സിഎഫ് ചെമ്പേരി യൂണിറ്റ് പ്രസിഡൻ്റ് ജോർജ് പഴയതോട്ടം അദ്ദേഹത്തെ പൊന്നാടയണിയിച്ചു. കെഎസ് സിഎഫ് കണ്ണൂർ ജില്ല പ്രസിഡൻ്റ് ഏബ്രഹാം തോണക്കര, ദേവസ്യ കളപ്പുര, ജോസ കരിക്കാട്ട്കണ്ണിയിൽ, ജോസഫ് പനയ്ക്കൽ എന്നിവർ പ്രസംഗിച്ചു.   ▪️ റിപ്പോർട്ടർ: തോമസ് അയ്യങ്കനാൽ