ശ്രീകണ്ഠാപുരം വാർത്തകൾ

ശ്രീകണ്ഠപുരം : മുനിസ്സിപ്പൽ ചെയർപേഴ്സൺ ഡോ : കെ.വി. ഫിലോമിന ജനകീയ കൺവൻഷൻ ഉദ്ഘാടനം ചെയ്തു. നഗരസഭ വീണ്ടും ക്വാറിയ്ക്ക് സ്റ്റോപ്പ് മെമ്മോ നൽകാൻ വേണ്ട നടപടികൾ സ്വീകരിക്കുമെന്ന് ചെയർപേഴ്സൺ അറിയിച്ചു. ജനകീയ കമ്മറ്റി മുഖ്യരക്ഷാധികാരിയും ചെമ്പം തൊട്ടി സെൻ്റ് ജോർജ് ഫൊറോന പള്ളി വികാരിയുമായ ഫാ ആൻ്റണി മഞ്ഞളാംകുന്നേൽ അദ്ധ്യക്ഷത വഹിച്ചു. ബ്ലോക്ക് കോൺഗ്രസ് പ്രസിഡണ്ട് അഡ്വ. ഇ.വി.രാമകൃഷ്ണൻ, യു.ഡി.എഫ് ചെയർമാൻ എം.ഒ. മാധവൻ മാസ്റ്റർ, സ്വതന്ത്ര കർഷക സംഘടനകളുടെ സംസ്ഥാന ചെയർമാൻ അഡ്വ. ബിനോയ് തോമസ്, മുസ്ലിം ലീഗിൻ്റെ പ്രതിനിധി കെ.സലാഹുദ്ദിൻ. സി.പി.എം. ബ്രാഞ്ച് സെക്രട്ടറി ജോർജ് ആലപ്പാട്ട്, ഡി.സി.സി. സെക്രട്ടറി കെ.പി. ഗംഗാധരൻ. കെ.ജെ. മത്തായി, വാർഡ് കൗൺസിലർ ഷീന.എം.വി, കൗൺസിലറും ജനകീയ കമ്മറ്റി രക്ഷാധികാരിയുമായ കെ.ജെ. ചാക്കോ കൊന്നയ്ക്കൽ, ചെയർമാൻ വർഗീസ് വയലാമണ്ണിൽ, കൺവീനർ ഷംസീർ. കെ.എം, മരാമത്ത് സ്ഥിരം സമിതി അദ്ധ്യക്ഷൻ കെ.സി. ജോസഫ് തുടങ്ങിയവർ സംസാരിച്ചു. കത്തോലിക്കാ കോൺഗ്രസിൻ്റെ മുഴുവൻ പിന്തുണയും ഷിനോ പാറയ്ക്കൽ കൺവൻഷനിൽ അറിയിച്ചു. ഏറ്റവും അടുത്ത ദിവസം തലശ്ശേരി അതിരൂപത മെത്രാപ്പോലീത്തമാർ. ജോസഫ് പാംപ്ലാനി , കെ. സുധാകരൻ എം.പി, അഡ്വ. സജീവ് ജോസഫ് എം.എൽ.എ ഉൾപ്പെടെ എല്ലാ രാഷ്ട്രീയ നേതാക്കളേയും , ജനപ്രതിനിധികളേയും, മത സാമൂഹ്യ സാംസ്കാരിക നേതാക്കളേയും പങ്കെടുപ്പിച്ച് ഉപവാസ സമരം നടത്താൻ ജനകീയ കൺവൻഷൻ തീരുമാനിച്ചു.5000 പേർ ഒപ്പിട്ട നിവേദനം കലക്ടറുടെ മുമ്പിലുള്ളപ്പോൾ ഈ ക്വാറി ഇനിയും പ്രവർത്തിച്ചാൽ എന്തു വില കൊടുത്തും തടയുമെന്ന് ജനകീയ കൺവൻഷൻ പ്രഖ്യാപിച്ചു.