ശ്രീകണ്ഠാപുരം വാർത്തകൾ

പയ്യാവൂർ: ലയൺസ് ഇൻ്റർനാഷണൽ ഡിസ്ട്രിക്ട് പ്രോഗ്രാമായ സ്കൂളുകൾക്കുള്ള കുടിവെള്ള പദ്ധതി ചെമ്പേരി നിർമല സ്കൂളിലും നടപ്പാക്കും. ചെമ്പേരി ലയൺസ് ക്ലബ് ഹാളിൽ നടന്ന വാർഷിക സമ്മേളനം  സോണൽ ചെയർമാൻ ബെന്നി തോമസ്  ഉദ്ഘാടനം ചെയ്തു. ക്ലബ് പ്രസിഡണ്ട് ഡെന്നീസ്  എബ്രഹാം അധ്യക്ഷത വഹിച്ചു. സെക്രട്ടറി ജോഷി കുന്നത്ത് പ്രവർത്തന റിപ്പോർട്ടും ട്രഷറർ മാത്തുക്കുട്ടി അലക്സ് കണക്കും അവതരിപ്പിച്ചു.  പി.വി.തോമസ്, സിജു തോമസ്, അഡ്വ.സജി സഖറിയാസ്, ബിനോയ് തോമസ്, ജിജി ഏബ്രഹാം എന്നിവർ പ്രസംഗിച്ചു.  സ്കൂളുകളിലേക്കുള്ള കുടിവെള്ള പദ്ധതി ചെമ്പേരി സ്കൂളിലും അനുവദിച്ചു തന്നതിന് സോണൽ ചെയർമാൻ ബെന്നി തോമസിനെ  ചെമ്പേരി ലയൺസ് ക്ലബ് ഭാരവാഹികൾ ആദരിച്ചു.   ▪️ റിപ്പോർട്ടർ: തോമസ് അയ്യങ്കനാൽ