ശ്രീകണ്ഠാപുരം വാർത്തകൾ

ഇതിനെതിരെ സെപ്തംബർ രണ്ടിന് നാല് മണിക്ക് ചെമ്പം തൊട്ടി പാരീഷ് ഹാളിൽ ജനകീയ കൺവൻഷൻ വിളിച്ചിരിക്കുകയാണ്. പ്രദേശവാസികൾ ഒപ്പിട്ട് നൽകിയ ഭീമഹർജി കലക്ടറുടെ അടുത്തുള്ളപ്പോൾ ഈ ക്വാറി ഒരു കാരണവശാലും പ്രവർത്തിക്കാൻ അനുവദിക്കില്ലന്നുള്ള ഉറച്ച തീരുമാനത്തിലാണ് ജനകീയ കമ്മറ്റി. ഉപവാസമടക്കമുള്ള സമരപരിപാടികൾക്ക് രണ്ടാം തീയതിയിലെ ജനകീയ കൺവൻഷൻ രൂപം കൊടുക്കും. ജില്ലയിൽ ഓറഞ്ച് അലർട്ട് നിലനിൽക്കുന്ന സാഹചര്യത്തിൽ ആഗസ്റ്റ് 31 വരെ മുനിസ്സിപ്പാലിറ്റി നൽകിയ സ്റ്റോപ്പ് മെമ്മോ വീണ്ടും നീട്ടി നൽകണമെന്ന് ആവശ്യപ്പെട്ടു കൊണ്ട് മുനിസ്സിപ്പൽ കൗൺസിലറും ജനകീയ കമ്മറ്റി രക്ഷാധികാരിയുമായ കെ.ജെ. ചാക്കോ കൊന്നയ്ക്കൽ മുനിസ്സിപ്പൽ സെക്രട്ടറിയ്ക്ക് കത്ത് നൽകി. വാഹനം തടയുന്നതടക്കുള്ള അതിശക്തമായ ജനകിയ സമരങ്ങൾക്ക് നേതൃത്വം നൽകുമെന്ന് ചെയർമാൻ വർഗീസ് വയലാമണ്ണിൽ, കൺവീനർ ഷംസീർ കെ.എം. എന്നിവർ അറിയിച്ചു.