ശ്രീകണ്ഠാപുരം വാർത്തകൾ

ശ്രീകണ്ഠപുരം: അശാസ്ത്രീയമായ എൻ.എം. എം. എസും ജിയോ ടാഗും ഒഴിവാക്കുക മതിയായ ബജറ്റ് വിഹിതം മാറ്റി വെക്കാതെ തൊഴിലുറപ്പ് പദ്ധതി അട്ടിമറിക്കുന്ന കേന്ദ്രസർക്കാർ നയം തിരുത്തുക മാനദണ്ഡങ്ങൾക്ക് വിരുദ്ധമായ കഠിന പ്രവൃത്തികൾ ഒഴിവാക്കുക തൊഴിൽ ദിനങ്ങൾ 200 ഉം ദിവസ വേതനം 600 ഉം ആയി വർധിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് എൻ ആർ ഇ ജി വർക്കേഴ്സ് യൂണിയൻ ശ്രീകണ്ഠപുരം ഏരിയ കമ്മിറ്റിയുടെ ആഭിമുഖ്യത്തിൽ പോസ്റ്റ് ഓഫീസിലേക്ക് മാർച്ച് സംഘടിപ്പിച്ചു. ധർണ്ണ സിപിഐ എം ശ്രീകണ്ഠപുരം ഏരിയ സെക്രട്ടറി അഡ്വ. എം സിരാഘവൻ ഉദ്ഘാടനം ചെയ്തു. എം കെ ശശീന്ദ്രൻ അധ്യക്ഷനായി. പി വി ശോഭന, കെ കെ ഭാസ്കരൻ, എം എം മോഹനൻ തുടങ്ങിയവർ സംസാരിച്ചു.